जामनेर,(बाळू वाघ)- येथील आठवड्या बाजार मधील श्री राम मार्केट येथे आज दि. 13 एप्रिल रोजी भाजीपाला लिलाव बाजारात अनेकजन नियमांचे उल्लंघन करीत तोंडाला माक्स न लावताच बाजारात आल्याचे उघडकीस आल्याने खळबळ उडाली आहे.
शहरातील आठवड्या बाजारात भाजीपाला लिलाव बाजार भरला असता या ठिकाणी आलेल्या अनेक व्यापाऱ्यांनी सोशल डिस्टन्स चे चांगलाच फज्जा उडवला तर अनेकांनी तोंडाला माक्स लावल्याचे दिसून आले नाही.यामुळे शासनाच्या लॉकडाऊन व सूचनांचे या बाजारात पायदळी तुडवल्याचे चित्र या ठिकाणी दिसून आले.
कोरोना व्हायरस च्या पार्श्वभूमीवर प्रशासन नागरिकांना वेळोवेळी सूचना देत आहे.तरी देखील काही लोकांकडून गांभीर्याने न घेता अशा पद्धतीने दुर्लक्षित केले जात असून हा धक्कादायक व गंभीर प्रकार आहे.तरी अशा लोकांवर कायदेशीर कारवाई करावी व पुढील दिवसात भरणाऱ्या भाजीपाला बाजारात सोशल डिस्टन्स व माक्स लावण्याबाबत कडक अंमलबजावणी करण्याकामी प्रशासनाने पावले उचलावी अशी मागणी होत आहे.
