जळगाव, (प्रतिनिधी) – कोरोना संशयित म्हणून 30 रोजी जिल्हा सामन्य रुग्णालयातील कोविड-19 वार्डमध्ये दाखल झालेल्या व्यक्तींचा रात्री 11 वाजेच्या सुमारास मृत्यु झाला होता. त्या मृताचा अहवाल आज प्राप्त झाला असून रिपोर्ट निगेटिव्ह आला आहे.
सोमवार, दि. 30 मार्च, 2020 रोजी सायंकाळी 6.30 वाजता जिल्हा सामन्य रुग्णालयातील कोविड-19 वार्डमध्ये 52 वर्षाच्या पुरुष रुग्णाला कोविड-19 संशयित म्हणून दाखल करण्यात आले होते. हा रुग्ण उपचारादरम्यान रात्री 11.00 वाजता मृत्यू पावला होता. या रुग्णाचे स्वॅबचे नमुने शासकीय वैद्यकीय महाविद्यालय, औरंगाबाद येथील प्रयोगशाळेत कोविड-19 च्या तपासणीसाठी पाठविण्यात आले होते. या नमुन्याचा अहवाल आज प्राप्त झाला असून रिपोर्ट निगेटिव्ह आला आहे. असे शासकीय वैद्यकीय महाविद्यालयाचे अधिष्ठाता डॉ. भास्कर खैरे यांनी कळविले आहे.
