नवी दिल्ली- अर्थसंकल्पात दीर्घकालीन भांडवली नफा करात (LTCG) कोणताही बदल न झाल्याने म्युच्युअल फंड गुंतवणूकदारांची घोर निराशा झाली. त्याचे पडसाद शेअर बाजारावर उमटले. निराश झालेल्या गुंतवणूकदारांनी बाजारात चौफेर विक्री केली. यामुळे दुपारच्या सत्रात मुंबई शेअर बाजारचा सेन्सेक्स ६०० अंकांनी कोसळला होता.
यंदा केंद्र सरकारकडून दीर्घकालीन भांडवली नफा करात (LTCG) कपात केली जाण्याची शक्यता वर्तवण्यात आली होती. मात्र सीतारामन यांनी दीर्घकालीन भांडवली नफा कर जैसे थेच ठेवला. त्यामुळे गुंतवणूकदारांची निराशा झाली. सध्या एखाद्या शेअरला एक वर्षापूर्वी विक्री केलं तर त्यावरील मिळणाऱ्या नफ्यावर १५ टक्के ‘STCG’ द्यावा लागतो. एक वर्ष किंवा त्यानंतर शेअर विक्री करून नफा कमावल्यास गुंतवणूकदाराला १० टक्के LTCG द्यावा लागतो.
