नवरा हात जोडून तिला सोडून जाण्याची विनंती करतोय तरी देखील पत्नी क्रूरपणे नवऱ्याला लाथा-बुक्क्यांनी मारहाण करतांनाची धक्कादायक व्हिडीओ ‘X’ या सोशल मीडियावर शेअर करण्यात आला आहे. नवऱ्याने घरात CCTV लावल्याने बायकोचा क्रूरपणे केलेल्या मारहानीचा व्हिडीओ सोशल मीडियातून समोर आला आहे.सदर घटना मध्य प्रदेशमधील सतना जिल्ह्यातील असून घरगुती हिंसाचाराचं प्रकरण आहे.

मिळालेल्या माहितीनुसार, ही घटना 20 मार्च रोजी दुपारी घडली आहे. सतना रेल्वे विभागात लोको पायलट म्हणून तैनात असलेले लोकेश माझी यांना त्यांची पत्नी हर्षिता रायकवार हिच्याकडून त्रास दिला जात आहे. घटनेच्या वेळी हर्षिताची आई आणि भाऊ देखील उपस्थित होते. लोकेशने आरोप केली का हर्षिता त्याला नेहमी मारहाण करते. खोटे खटले दाखल करत आत्महत्या करण्याची धमकीही देते.

https://x.com/satyaagrahindia/status/1907351450981953891?t=JECcX_Y8a5jlOzJqBzgUMw&s=19

लोकेशने सतना आणि पन्ना येथील पोलीस अधीक्षकांच्या पत्र लिहून पत्नीपासून वाचवण्याची विनंती केली आहे. पोलीस अधीक्षकांनी मदतीचे आश्वासन दिले आहे. लोकेशने मारहाणीचे व्हिडीओ देखील पोलिसांना दिले आहे. याआधीही लोकेशने अनेक ठिकाणी तक्रार केली, पण त्याचा होत असलेला छळ तो सिद्ध करु शकत नव्हता. त्यानतंर त्याने घरात cctv छुप्या कॅमेऱ्याची मदत घेत भांडणाचा व्हिडिओ बनवला, जो व्हायरल होत आहे.

लोकेशने सांगितलं की, लग्न झाल्यापासून त्याची पत्नी हर्षिता त्याला त्याच्या घरच्यांना भेटू देत नव्हती. कोणालाही घरी येऊ देत नव्हती, मित्रांना भेटू देत नव्हती. नेहमी शिवीगाळ करते आणि मारहाणही करते. या सर्व गोष्टींचा पर्दाफाश करण्यासाठी त्याने घरात सीसीटीव्ही कॅमेरे बसवला. याप्रकरणी पोलिसांना गुन्हा दाखल केला असून अधिक तपास सुरु आहे.