पाचोरा विधानसभा मतदारसंघात बहीण विरुद्ध भाऊ अशी ऐतिहासिक लढत जळगाव जिल्ह्याच्या राजकीय इतिहासांत पहिल्यांदाच झाली. शिंदेसेनेकडून विद्यमान आमदार किशोर पाटील यांच्याविरुद्ध उद्धवसेनेकडून वैशाली सूर्यवंशी यांना उमेदवारी देण्यात आली होती.त्यात विद्यमान आमदार किशोरआप्पा पाटील यांना विजय मिळाला आहे.
शेवटच्या फेरीअखेर किशोर पाटील यांना 97 हजार 366 मते मिळाली, तर वैशाली सूर्यवंशी यांना 58 हजार 677 मते मिळाली आहेत. किशोर पाटलांनी 38 हजार 689 मतांनी आघाडी घेत विजय मिळवला.
या मतदारसंघात भाजपचे तालुकाप्रमुख अमोल शिंदे व माजी आमदार दिलीप वाघ यांनीही अपक्ष उमेदवारी केल्यामुळे काट्याची लढत झाली.विद्यमान आमदार किशोर पाटील यांना त्यांच्या बहिणीने आव्हान दिले होते यामुळे भाऊ-बहिणीची ही लढत लक्षणीय ठरली.’लाडक्या बहिणीमुळे’ महायुतीला राज्यात यश मिळाले, मात्र पाचोरा मतदारसंघात शिवसेना उद्धव ठाकरे पक्षाच्या उमेदवार वैशाली सूर्यवंशी यांचा पराभव झाला आहे.
