जळगाव,(प्रतिनिधी)– माजी मंत्री एकनाथराव खडसे यांनी मुक्ताईनगर मतदार संघातील मतदारांना भावनिक साद घातली आहे. तब्येत ठीक नसते, पुढील निवडणूक मी पाहणार की नाही पाहणार हे तो ईश्वरच ठरवेल. पुढील निवडणुकीत कदाचित मी असेल किंवा नसेल. पण या निवडणुकीत मी आपल्याला विनंती करणार आहे की आपण सर्वांनी रोहिणीताईंना निवडून द्यावे. अशी भाविनक साद एकनाथराव खडसे यांनी घातली आहे.
विधानसभा निवडणूक प्रचार तोफा आज दिनांक १८ रोजी सायंकाळी ५ वाजता थंडावणार असून प्रचाराच्या अखेरच्या दिवशी राष्ट्रवादी शरदचंद्र पवार पक्षाच्या महाविकास आघाडीच्या अधिकृत उमेदवार म्हणून रोहिणी खडसे निवडणूक रिंगणात आहे
एकनाथराव खडसे यांनी आपल्या अधिकृत फेसबुक अकाउंटवरून एक व्हिडीओ शेअर करत आपल्या मुक्ताईनगर मतदार संघातील मतदारांना एक विनंतीपूर्वक आवाहन केलं आहे त्यात त्यांनी म्हटलं आहे की,यापुढे मी निवडणूक न लढाविण्याचा निर्णय घेतला आहे. मी गेली अनेक वर्ष आपल्या सोबत आहे. अनेक वर्ष आपणही मला सहकार्य केले आहे, मला आशीर्वाद दिले आहेत. मी ही तुमच्या सुख दुःखात सहभागी झालेलो आहे. कोणतीही जात धर्म न पाळता मी सर्वांना मदत करण्याची भूमिका आता पर्यंत पार पाडली आहे.
तब्येत ठीक नसते, पुढील निवडणूक मी पाहणार की नाही पाहणार हे तो ईश्वरच ठरवेल. पुढील निवडणुकीत कदाचित मी असेल किंवा नसेल. पण या निवडणुकीत मी आपल्याला विनंती करणार आहे की आपण सर्वांनी रोहिणीताईंना निवडून द्यावे. आपण जसं मला सहकार्य केलं तसं रोहिणीताईंना करावं आणि रोहिणी ताईंना प्रचंड मताधिक्याने निवडून द्यावे ही विनंती.
– आ. एकनाथराव खडसे
