Spread the love

आयुर्वेदिक मसाज उपचार केंद्राच्या नावाखाली वेश्या व्यवसाय सऱ्हासपणे चालवीणाऱ्या टोळीचा पोलिसांनी पर्दाफाश केला असून पोलिसांच्या छापेमारीत धक्कादायक प्रकार उघडकीस आल्याने परिसरात खळबळ उडाली, पुण्यातील सिंहगड रस्ता परिसरात आयुर्वेदिक मसाज उपचार केंद्र या नावाचं बोर्ड लावून आत मध्येच वेश्याव्यवसाय चालवला जात असल्याची माहिती पोलिसांना मिळाल्यावर सऱ्हासपणे सुरु असलेला वेश्या व्यवसायाचा पुणे पोलिसांच्या गुन्हे शाखेच्या सामाजिक सुरक्षा विभागाच्या पथकाने पर्दाफाश केला. दरम्यान पुण्यात पोलिस गुन्हे शाखेच्या सामाजिक सुरक्षा विभागाचे पथक ऍक्शन मोड वर दिसत असून कारवाईचा धडाका सुरु ठेवला आहे.

माणिक बागेत एका मंदिराच्या शेजारी असलेल्या मोरया आयुर्वेदिक मसाज उपचार केंद्रावर शुक्रवारी सायंकाळी ६ वाजण्याच्या सुमारास पोलिसांनी धाड टाकली या कारवाईत एका महिलेवर गुन्हा दाखल करून अटक करण्यात आली आहे तर तीन महिलांची सुटका केली आहे.

मोरया आयुर्वेदिक मसाज उपचार केंद्र चालवले जात होते या उपचार केंद्राच्या माध्यमातून वेश्या व्यवसाय सुरू असल्याची माहिती सामाजिक सुरक्षा विभागाच्या पथकाला कळली त्यानुसार पथकाने बनावट ग्राहक पाठवून खात्री करून घेतली आणि छापा टाकून येथील व्यवसायाचा पर्दाफाश केला.पीडित महिलांकडून हा व्यवसाय आरोपी चालवत असे. याप्रकरणी सिंहगड रस्ता पोलीस ठाण्यात महिलेविरुद्ध अनैतिक मानवी वाहतूक प्रतिबंधक अधिनियम कायद्यान्वये गुन्हा दाखल करण्यात आला आहे. सामाजिक सुरक्षा विभागाच्या महिला पोलीस हवालदार रेश्मा कंक यांनी फिर्याद दिली आहे.