ऐकावे ते नवलचं… असचं नवल वाटणारी बातमी समोर आली असून मोबाईल रील बनवणारी रील स्टार असलेली ५ लेकरांची आई तीच्या बॉयफ्रेंड सोबत पळून गेल्याची घटना उघडकीस आली दरम्यान ही महिला इंस्टाग्रामवर रील व्हिडिओ बनवते तीच्या इंस्टाग्राम अकाउंटला ४० हजार फॉलोवर्स आहेत, हेच व्हिडीओने तीला प्रेमात ओढल्याच बोललं जातं आहे,महिलेचे रील व्हिडीओ पाहून एका तरुणाने तिला प्रपोज केलं. त्यावर तिनेही होकार देत त्याच्यासोबत पळून गेली.राजस्थानमधून महिला गुजरातला आली असून बॉयफ्रेंडसह लिव्हइनमध्ये राहत आहे.
बॉयफ्रेंड सोबत रफूचक्कर झालेल्या या महिलेला एकूण ५ मुलं आहे. आपल्या लहान मुलांचा काही एक विचार न करता महिला फरार झाली या घटनेने पतीला धक्काचं बसला आहे. पतीने पोलिसांत या प्रकरणी तक्रार दाखल केली आहे. तसेच चौकशी करताना मी पतीकडे राहण्यास इच्छुक नाही असं तिने पोलिसांना सांगितलं आहे.
तक्रारीनंतर पोलीस शोध घेत या दोघांच्या घरी पोहोचले तेव्हा महिलेने पतीवर अनेक आरोप केले. पती माझ्यावर सतत संशय घेत होता. तो मला दररोज मारहाण करायचा. त्याच्या त्रासाला मी कंटाळले होते. त्या मुळे मी हा निर्णय घेतल्याचं महिलेने पोलिसांना सांगितलं.
