पाचोरा, दिनांक २२ (प्रतिनिधी ): हळदी कुंकवानिमित्त अतिशय बहारदार अशा न्यू होम मिनिस्टर कार्यक्रमानंतर शिवसेना-उबाठा नेत्या, वैशालीताई नरेंद्रसिंग सुर्यवंशी यांच्या वतीने खास भगिनींसाठी पारंपारिक होळी-रंगपचमी उत्सवाचे आयोजन करण्यात आले आहे.
शिवसेना-उध्दव बाळासाहेब ठाकरे पक्षाच्या नेत्या वैशालीताई नरेंद्रसिंग सुर्यवंशी यांच्या वतीने पाचोरा शहरात सोमवार दिनांक २५ मार्च रोजी खास महिलांसाठी होळी उत्सवाचे आयोजन करण्यात आले आहे. हा कार्यक्रम पाचोर्‍यातील शिवतीर्थ मैदानावर सकाळी ८ ते ११ या कालावधीत आयोजीत करण्यात आला आहे. याचे वैशिष्ट्य म्हणजे यात पूर्णपणे नैसर्गिक रंगांचा वापर करण्यात येणार असून याच्या जोडीला गीत-संगीत-नृत्याची बहारदार लयलूट असणार आहे.
या कार्यक्रमाला मतदारसंघातील महिला आणि मुलींनी मोठ्या संख्येने उपस्थिती द्यावी असे आवाहन शिवसेना-उबाठा पक्षाच्या नेत्या वैशालीताई नरेंद्रसिंग सुर्यवंशी यांनी केले आहे.
