भडगाव ता.6: येथे मंजुर झालेले आरटीओ कार्यालयाचे उद्या (ता.7) ला पालकमंत्री गुलाबराव पाटील यांच्या हस्ते उटघाटन करण्यात येणार आहे. प्रमुख पाहूणे म्हणुन ग्रामविकास मंत्री गिरीश महाजन, मदतव पुनर्वसन मंत्री अनिल पाटील, परीवहन आयुक्त विवेक भिमनवार उपस्थित राहणार आहेत. पाचोरा रस्त्यावर हे कार्यालय सुरू करण्यात येणार आहे.
आमदार कीशोर पाटील यांच्या पाठपुराव्याने भडगाव येथे शासनाने नुकतेच उपप्रादेशिक परिवहन कार्यालय मंजुर केले. भडगाव एम एच 54 हा नोंदणी क्रमांक मिळाला आहे. या नुतन कार्यालय उद्यापासून प्रत्यक्षात भडगावला सुरू होणार आहे. या नुतन कार्यालय उटघाटन पालकमंत्री गुलाबराव पाटील यांच्या हस्ते होणार आहे. उद्या दुपारी दोन वाजता हा कार्यक्रम आयोजित करण्यात आलेला आहे. तरी या कार्यालय उटघाटनला भडगाव तालुका वासीयांनी उपस्थित राहावे असे आवाहन आमदार कीशोर पाटील यांनी केले आहे.
