जळगाव,(प्रतिनिधी)- नातेवाईकांकडे दशक्रिया विधीसाठी जात असताना वाळू वाहतूक करणाऱ्या विनाक्रमांकाच्या डंपरने दुचाकीला धडक देत उडविल्याने कमलाकर मोतीराम पाटील (६४, रा. जळके, ता. जळगाव) यांचा जागीच मृत्यू झाल्याची दुर्दैवी घटना दिनांक २८ रोजी घडली.
अपघात रविवार, २८ जानेवारी रोजी पळासखेडा मिराचे गावाजवळ झाला. अपघातानंतर डंपर चालक पसार झाला व काही वेळानंतर घटनास्थळावरून डंपरही पळवून नेण्यात आले.जळगाव तालुक्यातील जळके येथील रहिवासी आहेत
मयत कमलाकर पाटील हे रविवारी नातेवाईकांकडे दशक्रिया विधी असल्याने ते जामनेर तालुक्यातील नाचणखेडा येथे दुचाकीने (क्र. एमएच १९, डीएन ७९१४) जात होते. पळासखेडा मिराचे गावाच्या थोडे पुढे गेल्यानंतर शाळेजवळ समोरून येणाऱ्या विना क्रमांकाच्या भरधाव वाळूच्या डंपरने दुचाकीला जोरदार धडक दिली. यात कमलाकर पाटील यांचा जागीच मृत्यू झाला.
