जळगाव,(प्रतिनिधी)- पाचोरा शहरातील सावनेरकर हाॅस्पिटलचे संचालक डॉ. मुकुंद सावनेरकर यांना १८ डिसेंबर २०२४ रोजी त्यांच्या हाॅस्पिटलमध्ये येवुन भागवत रुपचंद पाटील व अनोळखी ७ जणांनी मारहाण केली. डॉ. मुकुंद सावनेरकर यांनी आरोपी विरुध्द गुन्हा नोंदविला असुन एक महिना उलटूनही आरोपींना अटक झालेली नाही. आरोपींना तात्काळ अटक करण्यात यावी अशी मागणी महाराष्ट्र राज्य मराठी पत्रकार संघातर्फे किशोर रायसाकडा यांच्या नेतृत्वात निवेदन देत मागणी केली आहे.
यावेळी किशोर रायसाकडा, नंदकुमार शेलकर, अनिल आबा येवले,प्रमोद सोनवणे, अबरार मिर्झा, भुवनेश दुसाने, सुरेंद्र मोरे, सुनील कोळी, शेखर पाटील आदी उपस्थित होते.
