पाचोरा,(प्रतिनिधी)- पाचोरा तालुक्यातील तीन सराईत गुन्हेगारांना उपविभागीय अधिकारी यांच्या आदेशानुसार दोन वर्षांसाठी हद्दपार करण्यात आले आहे. महाराष्ट्र राज्य पोलिस अधिनियम १९५१ चे कलम ५७ प्रमाणे शहरासह तालुक्यात कायदा व सुव्यवस्था अबाधित राखण्यासाठी पोलिस निरीक्षक राहुल खताळ यांच्या मार्गदर्शनाखाली पो. काॅ. राहुल शिंपी यांनी देवेश उर्फ भैय्या संजय पडोळ रा. पाचोरा, सुनिल पुंडलिक पाटील (बांड) रा. बांबरुड (राणीचे) ता. पाचोरा व योगेश्वर उर्फ योगेश सुनिल पाटील रा. बांबरुड (राणीचे) ता. पाचोरा या गुन्हेगारी प्रवृत्तीच्या तीन गुन्हेगारांना हद्दपार करण्यात येणाचा प्रस्ताव उपविभागीय अधिकारी भुषण अहिरे यांच्या कडे ११ आॅगस्ट २०२३ रोजी पाठविण्यात आला होता. उपविभागीय अधिकारी भुषण अहिरे यांनी तीनही गुन्हेगारांना हद्दपारीचे आदेश ११ डिसेंबर २०२३ रोजी पारित केले होते. त्या अनुषंगाने तीनही गुन्हेगारांना दोन वर्षांसाठी हद्दपार करण्यात आले आहे.
