दरोडेखोरांच्या गोळीबारात सहाय्य्क व्यवस्थापक ठार
रावेर ;- तालुक्यातील निंबोल येथील विजया बँकेवर आज दुपारी भर दिवसा अज्ञात दोन हेल्मेटधारी दरोडेखोरांनी येत बँक सहाय्य्क व्यवस्थापकच्या छातीत गोळी झाडून पळ काढला . या थरार घटनेमुळे तालुक्यात खळबळ उडाली आहे गोळीबारात मृत्यू झालेल्या मॅनेजरचे नाव करणसिंग नेगे आहे. . होंडा शाईन या दुचाकीवरून आलेल्या दरोडेखोरांनी अवघ्या काही मिनिटातच हा दरोडा टाकून पळ काढला . पोलिसांनी तात्काळ घटनास्थळी धाव घेत दरोडेखोरांचा शोध सुरु केला आहे .घटनास्थळी पोलीस अधीक्षक डॉ. पंजाबराव उगले यांनी भेट दिली .
निंबोल येथील विजया बँकेचे शाखेवर दुपारी सव्वा दोन वाजेच्या सुमारास लुट करण्याच्या उद्देशाने दुचाकीवरुन हेल्मेटधारी दोन दरोडेखोर आले. बंदुकीचा धाक दाखवित लुट करण्याच्या प्रयत्नात असताना बँकेतील सायरन वाजविण्यासाठी बॅकेच्या सहाय्यक व्यवस्थापक करनसिंग नेगी यांनी टेबलावरुन उडी मारली. हा प्रकार लक्षात आल्यावर दरोडेखाराने त्याच्याकडील गावठी कट्ट्यातून नेगी यांच्या छातीत बंदुकीच्या दोन गोळ्या झाडल्या. यानंतर पकडले जावू या भितीने दरोडेखोर घटनास्थळाहून सोबत आणलेल्या शाईन या दुचाकीवरुन पसार झाले. नेगी यांना तत्काळ बँकेतील कर्मचार्‍यांनी ओम सर्जिकल रुग्णालयात दाखल केले. येथील डॉक्टरांनी त्यांना मृत घोषित केले. दरम्यान भरदिवसाच्या या घटनेने सर्वत्र खळबळ उडाली आहे. सायरन आवाज ऐकून मसाकाचे व्हा. चेअरमन भागवत पाटील,मोहन पाटील,पं.स. सदस्य जितु पाटील यांनी बॅकेकडे धाव घेत मॅनेजर करण नेगे यांना उचलून रावेर ग्रामीण रुग्णालयात उपचारार्थ नेतांना वाटेत त्याचा मृत्यू झाल्याची घटना घडली,घटनास्थळी निभोरा पो.स्टे. चे सपोनि प्रकाश वानखेडे त्यांच्या सहकाऱ्यासोबत बँकेत दाखल झाले . पोलिसांनी सर्वत्र नाकाबंदी केली आहे.
