जळगाव,(प्रतिनिधी)- राष्ट्रवादी काँग्रेसचे नेते आमदार एकनाथराव खडसे यांचा २ सप्टेंबर रोजी वाढदिवस यंदा दणक्यात साजरा झाला.विशेष म्हणजे वाढदिवसाच्या निमित्ताने राष्ट्रवादीचे आमदार रोहित पवार सुद्धा जळगावी आले होते दरम्यान जळगावच्या महापौर जयश्री महाजन यांनी खडसेंना शुभेच्छा देण्यासाठी ५१ हजार ररुपयांच्या पाचशेच्या १०२ नोटांचा ‘बुके’ भेट दिला तर यावेळी त्यांनी ७२ किलो वजनाचा आणलेला केकही कापण्यात आला.
जळगावच्या महापौर जयश्री सुनील महाजन व विरोधी पक्ष नेते सुनील महाजन यांनी हा ‘बुके’ खडसेंना दिला. यासोबत त्यांनी खडसेंचा ७२ वा वाढदिवस असल्याने ७२ किलो वजनाचा केकही आणला होता. नोटांच्या बुकेचा व्हिडीओ सोशल मीडियावर व्हायरल झाला आहे. तर शुभेच्छा देण्यासाठी ५१ हजार ररुपयांच्या पाचशेच्या १०२ नोटांचा ‘बुके’ देण्यामागचा उद्देश सुनील महाजन यांनी सांगितला असून ते म्हणाले की,आमदार एकनाथ खडसे हे महाविकास आघाडीचे ज्येष्ठ नेते आहेत. त्यांच्या वाढदिवशी त्यांना आम्ही बुकेची सप्रेम भेट दिली. समाजातील गरीब घटकाला त्यांच्या माध्यमातून मदत पोहोचल, हा विचार केला आहे. बुकेतील नोटा खऱ्या आहेत.
