भोपाळ : मध्यप्रदेशच्या सतनामध्ये निर्भया कांडसारखी धक्कादायक घटना समोर आली आहे. एका अल्पवयीन मुलीवर सामूहिक बलात्कार करण्यात आला. नराधम एवढ्यावर थांबले नाही तर त्यांनी पीडित मुलीच्या प्रायवेट पार्टवर लाठीने प्रहार केला तसेच शरीरावर दाताने चावा घेतल्याचे निशाण आहे. डित मुलीची प्रकृती गंभीर असून तिला अधिक चांगल्या उपचारांसाठी रीवा येथे रेफर करण्यात आलं आहे.
मैहरचे एसडीओपी लोकेश दावर यांनी सांगितले की, मुलीसोबत सामूहिक बलात्काराची घटना घडली असून मुलीच्या अंगावर चाव्याच्या खुणाही आढळून आल्या. मुलीच्या प्रायव्हेट पार्टला काठीने मारण्यात आले आहे. मिळालेल्या माहितीनुसार, गुरुवारी दोघा जणांनी मुलीला आमिष दाखवून टेकडीवर नेले, तिथे त्यांनी तिच्यासोबत सामूहिक बलात्काराची घटना घडवली.
या घटनेबाबत मध्यप्रदेशचे मुख्यमंत्री शिवराज सिंह चौहान यांनी टि्वट केलं आहे. “मला मैहर बलात्कार घटनेबद्दल माहिती मिळाली. मला खूप वेदना झाल्या. मी व्यथित आहे. मी पोलिसांना निर्देश दिले आहेत. कुठल्याही आरोपीला सोडणार नाही. पोलिसांनी आरोपीला अटक केली आहे. प्रशासनाला मुलीच्या उपचारांची व्यवस्था करण्याचे निर्देश दिले आहेत. आरोपींविरोधात कठोर कारवाई केली जाईल” असं त्यांनी टि्वटमध्ये म्हटलय.
