मुंबई: शिवसेनेच्या गोटात सध्या हालचालींना वेग आला आहे. त्यामागच कारण म्हणजे मुख्यमंत्री एकनाथ शिंदे यांच्या शिवसेनेच्या 5 मंत्र्यांना मंत्रिमंडळातून डच्चू मिळणार असल्याचा काही नेत्यांनी केला आहे. परंतु शिवसेना आणि भाजप मंत्र्यांकडून याबाबत खंडण केलं आहे तरी पण यामुळे राजकीय वर्तुळात विविध चर्चांना उधाण आलं आहे.
या सर्व घडामोडी दरम्यान मुख्यमंत्री एकनाथ शिंदे यांनी शिवसेनेच्या सर्वच आमदार, खासदार आणि नेत्यांची महत्त्वाची बैठक बोलावली आहे. वरळीच्या एनएससीआय सभागृहामध्ये ही बैठक बोलावण्यात आली आहे.
शिवसेनेच्या वर्धापन दिनाच्या कार्यक्रमासह विविध विषयांवर चर्चा करण्यासाठी ही बैठक बोलावण्यात आली आहे, अशी प्राथमिक माहिती देण्यात येत आहे. पण या बैठकीत सध्याच्या राजकीय हालचालींवरही खलबतं होण्याची शक्यता आहे.
राष्ट्रवादी काँग्रेसचे नेते एकनाथ खडसे यांनी दोन दिवसांपूर्वी शिंदे यांच्या शिवसेनेच्या 5 मंत्र्यांना मंत्रिमंडळातून डच्चू मिळणार असल्याचा दावा केला होता. त्यानंतर ठाकरे गटाचे खासदार संजय राऊत यांनीदेखील तसाच दावा केला आहे.शिवसेना आणि भाजपच्या मंत्र्यांनी याबाबतच्या सर्व चर्चांचं खंडन केलं आहे. पण तरी शिवसेनेच्या गोटात सध्या हालचालींना वेग आला आहे.
