सध्या सोशल मीडियाच्या जगतात अनेकदा अनोळखी लोक एकमेकांशी जोडले जातात. मात्र हरियाणात घडलेल्या एका अजब घटनेने सगळेच हैराण झाले आहेत. १० महिन्यापूर्वी एका तरुणाची फेसबुकवरून एका युवतीशी ओळख झाली होती. एकमेकांसोबत असलेल्या या ओळखीचे रुपांतर प्रेमात झाले. युवतीने युवकाला लग्नाची मागणी घातली.
त्यानंतर या मुलीने त्या मुलासोबत लग्न करून पत्नी बनून त्याच्या घरी आली. मात्र त्यानंतर तिने असा कारनामा केला की युवकासह त्याच्या घरच्यांनी डोक्यावर हात मारला. युवती घरातील रोकड, ज्वेलरी घेऊन पसार झाली आहे. या आरोपी युवतीविरोधात पीडित युवकाने पोलीस ठाण्यात तक्रार नोंदवली आहे.
हरियाणाच्या पलवल जिल्ह्यातील ही घटना आहे. युवतीने युवकाच्या मागे लग्नाचा ससेमिरा लावला. त्यानंतर युवकाने तिच्या घरच्यांना सांगितले. युवतीच्या आईनेही युवकाला मुलीसोबत लग्नाचा प्रस्ताव दिला. लग्नाला सगळ्यांनी होकार दिल्यानंतर सहमतीने युवती युवकासोबत राहू लागली. १-२ महिन्यात युवकाने युवतीसोबत कोर्ट मॅरेज केले. युवक-युवतीचा संसार सुरू झाला, तिचे नातेवाईक अधूनमधून येत राहिले. सगळं काही सुरळीत चालले होते. परंतु अचानक एकेदिवशी युवती फरार झाली.
हे पण वाचा..
स्वदेशीच्या नकली वाणांपासून शेतकऱ्यांनी सावधानता बाळगावी
मान्सूनबाबत मोठी अपडेट : हवामान खात्याने वर्तविला ‘हा’ अंदाज
सई ताम्हणकरच्या नव्या फोटोंची चाहत्यांना भुरळ, एकदा फोटो पहाच..
पात्रता फक्त 12वी पास अन् पगार 92000 पर्यंत ; SSC मार्फत 1600 पदांवर भरती
युवतीने घरातून जाताना ८५ हजार रुपये रोकड, सोन्याच्या २ अंगठ्या, मंगळसूत्र आणि इतर सामान घेऊन गेली. युवकाने युवतीच्या आई वडिलांशी संपर्क साधला परंतु ते कधी वृदांवन तर कधी हरिद्वारमध्ये असल्याचे सांगत टाळाटाळ करू लागले. अखेर युवक आणि त्याच्या घरच्यांनी कंटाळून पोलीस ठाण्यात धाव घेतली. युवकाने युवतीविरोधात पोलीस ठाण्यात तक्रार दिली आहे. त्याचा पोलीस तपास करत असून मुलगी आणि तिच्या कुटुंबाचा पोलिसांकडून शोध सुरू आहे.
