मास विक्रेत्यांच्या घाणिचा ठरला बळी
पाचोरा – येथील जारगाव चौफुलीवर कुत्र्यांची झुंड अचानक समोर आल्याने मोटारसायकल घसरून अपघात झाला असता मोटारसायकल स्वार प्रभू राजाराम सुसे जागीच ठार झाला.
याबाबत सविस्तर असे की प्रभू राजाराम सुसे रा. पाटीलवाडा, महादेव गल्ली, भडगाव हा मोटारसायकल ने जारगाव चौफुली जात असताना समोरून कुत्र्यांची झुंज सुरु असलेली मोठी झुंड आल्याने मोटारसायकल स्वार असलेल्या युकाचे गाडीवरील नियंत्रण सुटले व गाडी पलटी झाल्याने आज दिनांक 17 रोजी सकाळी साडे आठ वाजता युवक जागीच ठार झाला.
मास विक्रेत्यांच्या हलगर्जी पणाने गेला बळी
चौफुलीवर जवळ असलेल्या मास व चिकन विक्रेते परिसरात उघड्यावर मोठ्या प्रमाणात घाण टाकतात त्यामुळे तेथे फेकलेले मास खाण्यासाठी कुत्र्यांचा नेहमी वावर असतो.नेहमीच मास खाण्यावरून कुत्र्यांच्या येथे झुंज पाहायला येते.कुत्रे झुंज करत रस्त्यावर देखील येत असल्याने अनेकदा या चौफुलीवर लहान मोठे अपघात होत असतात, मात्र आज एका युवकाचा जागीच जीव गेल्याने हळ हळ व्यक्त होत असून मासविक्रेत्यांच्या हलगर्जी पणाचा बळी गेल्याचे बोलले जात आहे.
न.प. प्रशासनाचे सपशेल दुर्लक्ष
मास विक्रीते यांच्यावर न.प.प्रशासनाने वेळीच लक्ष देऊन कारवाई केली असती तर आज एका युवकाचा बळी गेला नसता. याकडे जाणीव पूर्वक दुर्लक्ष करणारे अधिकारी विरोधात सदोष मनुष्यवधाचा गुन्हा दाखल करण्यात यावा अशी मागणी सामान्य जनतेतून होत आहे. तसेच आतातरी याठिकाणी मास विक्रेत्यांकडून घाण टाकली जाणार नाही याकरिता प्रतिबंधात्मक कारवाई केली जावी अशी अपेक्षा व्यक्त होत आहे.
