छत्रपती संभाजीनगर : छत्रपती संभाजीनगरमधून एक ह्रदय पिळवटून टाकणारी घटना समोर आलीय. एकाच कुटुंबातील पती-पत्नी व पाच वर्षीय मुलीचा गळफास घेतलेल्या अवस्थेत मृतदेह मिळून आला. संभाजीनगरजवळील सातारा पोलीस ठाण्याच्या हद्दीतील वळदगाव इथली ही घटना असून या घटनेने परिसरात मोठी खळबळ उडाली आहे. वाळूज परिसरातील हृदय पिळवटून टाकणारी ही घटना वळदगाव येथे शुक्रवारी तारीख 19 रोजी सकाळी उघडकीस आली.
मोहन प्रतापसिंग डांगर (वय 30), पूजा मोहन डांगर (वय 25) व श्रेया (वय 5) असे गळफास घेतलेल्या तिघांची नावे आहेत. एकाच कुटूंबातील तिघांनी आत्महत्येसारखे टोकाचे पाऊल का उचलले असावे? असा प्रश्न उपस्थित होत आहे. सातारा पोलीस वळदगाव येथे दाखल झाले असून पोलिस अधिक तपास करत आहेत.
हे पण वाचा..
जळगावमधील थरारक घटना..! शेतकऱ्यावर बिबट्याचा अचानक हल्‍ला; असा वाचविला जीव
ग्राहकांनो संधी सोडू नका..! सोनं तब्बल ‘इतक्या’ हजार रुपयांनी घसरले
महत्वाची बातमी! क्रेडिट-डेबिट कार्डवरून पैसे खर्च करण्याचे नियम बदलले
CRB चा कर्णधार डू प्लेसिसची पत्नी अभिनेत्रीपेक्षा कमी नाही, पहा हे फोटो..
याबाबत अधिक माहिती अशी की, छत्रपती संभाजीनगरमध्ये एकाच कुटुंबातील पती-पत्नी आणि पाच वर्षीय मुलीचा गळफास घेतलेल्या अवस्थेत मृतदेह मिळून आला. तिघांनीही आत्महत्या केल्याची प्राथमिक माहिती समोर आली आहे. घटनेपूर्वी गुरुवारी कुटुंब जेवण करून रात्री झोपले, त्यानंतर रात्री हा अत्यंत हृदय मिळवटून टाकणारा प्रकार घडला. सासर माहेर एकाच गावात असलेल्या पूजाची मुलगी श्रेया ही दररोज सकाळी शेजारीच राहणाऱ्या आजीकडे जात असते.
शुक्रवारी सकाळी मात्र ती न आल्याने आजी तिला पाहण्यासाठी डांगर यांच्या त्यांच्या घराकडे गेली असता घटना उघडकीस आली. या घटनेची माहिती मिळताच सातारा पोलिसांनी घटनास्थळी धाव घेत पंचनामे केले आहेत.
