बिलासपूर : जावयासोबत असलेल्या अनैतिक संबंधातून पतीने कुऱ्हाडीने वार करून पत्नीची निर्घृण हत्या केल्याची धक्कादायक घटना छत्तीसगडमधील बिलासपूरमध्ये घडलीय. या हल्ल्यात जावई थोडक्यात बचावला आहे.
याबाबत अधिक माहिती अशी की, चंदन मेश्राम (४८) असे आरोपीचे नाव असून तो जुनापारा चौकी भागातील सालेदबारी-बग्गुडवा पारा येथील रहिवासी आहे. तो शेती करून कुटुंबाचा उदरनिर्वाह चालवत असे. त्याच्या घरात पत्नी अमरीकीबाई आणि तीन मुली तसेच दोन मुले आहेत. त्यांची मुलगी ललिता हिचे जुनापार येथे लग्न संजू नावाच्या तरुणाशी लग्न झाले होते.
हे पण वाचा…
एरंडोल हादरले! तरुणीला लग्नाचे आमिष देत फार्म हाऊसवर न्यायाचा अन्.. तरुणाविरुद्ध गुन्हा दाखल
अरे बापरे! पाचोऱ्यात भरधाव पिकअपची चौघांना धडक ; पायाचे तुकडे होऊन जागीच पडले
विद्यार्थिनीला नापास करण्याची धमकी देऊन अत्याचार ; शिक्षकाला मरेपर्यंत जन्मठेपची शिक्षा
दरम्यान, बुधवारी दुपारी चंदन अचानक त्याच्या शेतात पोहोचला असता त्याने पत्नीला जावई संजूसोबत आक्षेपार्ह अवस्थेत पाहिले .यामुळेच संतापाच्या भरात त्याने जवळच ठेवलेली कुऱ्हाड उचलून दोघांवर हल्ला केला. या घटनेत त्याची पत्नी जागीच ठार झाली, तर संजू गंभीर जखमी झाला.
घटनेनंतर मोठ्या संख्येने ग्रामस्थ घटनास्थळी पोहोचले आणि त्यांनी हस्तक्षेप केला. पोलिसांनीही तात्काळ घटनास्थळी धाव घेत मृतदेह पोस्टमॉर्टमसाठी पाठवला. तर जखमी संजूला रुग्णालयात दाखल करण्यात आले आहे. या घटनेने परिसरात खळबळ उडाली आहे.
