जळगाव । सततची नापीकी आणि कर्जबाजारीला कंटाळून एका २४ वर्षीय तरुण शेतकऱ्याने राहत्या घरात गळफास घेवून आत्महत्या केल्याची धक्कादायक घटना तालुक्यातील देव्हारी येथे उघडकीस आलीय. अमोल अरूण पाटील (वय-२४) असे मयत तरूण शेतकऱ्याचे नाव असून या घटनेने परिसरात खळबळ उडाली.
नेमकी काय आहे घटना?
नातेवाईकांनी दिलेली माहिती अशी की, अमोल पाटील हा आई कल्पना यांच्यासोबत वस्तव्याला होता. शेती करून तो आपला उदरनिवाह करीत होता. गेल्या दोन वर्षांपासून होत असलेली सततची नापीकीमुळे तो चिंतेत होता. शिवाय शेती करण्यासाठी काढलेले सोसायटीचे कर्ज आणि सावकारी कर्ज काढलेले होते. पिकांच्या नुकसानीला कंटाळून अमोलने बुधवारी २६ एप्रिल रोजी सायंकाळी ७ वाजता राहत्या घरात गळफास घेवून आत्महत्या केली.
हे पण वाचाच..
अरे बापरे..! मद्यधुंद तरुणीसोबत शेजारच्या मुलाने रात्रभर शारीरिक संबंध ठेवले, त्यानंतर..
सावधान..! बॉर्नव्हिटा मुलांसाठी धोकादायक? NCPCR ने कंपनीला पाठवली नोटीस
शेतकऱ्यांनो सावधान..! आज राज्यातील बहुतांश जिल्ह्यांना गारपिटीसह वादळी पावसाचा इशारा
सायंकाळी आई कल्पनाबाई पाटील या घरी आल्या तेव्हा त्यांनी मुलाचा मृतदेह पाहून हंबरडा फोडला. शेजारी राहणाऱ्या ग्रामस्थ व तरूणांनी खाली उतरवून त्याला जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. यावेळी जिल्हा शासकीय वैद्यकीय महाविद्यालयात नातेवाईकांनी एकच गर्दी केली होती. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. मयत अमोलच्या पश्चात आई कल्पनाबाई आणि विवाहित बहिण रूपाली असा परिवार आहे.
