जळगाव – शहरामधील घरकुल गैरव्यवहार प्रकरणातील आरोपी नाना वाणी, राजा मयूर यांच्या व्यक्तीरिक्त इतर आरोपींना बुधवारी जामीन मंजूर करण्यात आला आहे. घरकुल प्रकरणी ऑगस्ट महिन्यात न्यायालयाने आरोपींना शिक्षा सुनावली होती. पहिल्या टप्प्यात काही जणांना जामीन मंजूर झाला होता. यानंतर अलिकडेच माजी मंत्री सुरेश जैन यांनाही वैद्यकीय उपचारासाठी अंतरीम जामीन मिळाला होता. बुधवारी न्यायालयाने नाना वाणी, राजा मयूर यांच्या व्यतिरिक्त प्रदीप रायसोनी, विजय कोळी, महेंद्र संजू सपकाळे, सुधा बंडू सपकाळे, लीना अनिल वाणी, साधना कोगटा आणि अलका लढ्ढा या आरोपींना जामीन मंजूर केल्याचे सुत्रांनी सांगितले. दरम्यान, नाना वाणी आणि राजा मयूर यांनी जामीनासाठी कोणताही अर्ज केलेला नव्हता.
