अमरावती जिल्ह्यातील परतवाडा येथून एक धक्कादायक घटना समोर आली आहे…निमित्त होते बॉयफ्रेंडच्या वाढदिवसाचे… वाढदिवस असल्याने दोघं एका लॉजवर आले आणि तिने कधी मनात विचारही केला नसेल असं घडलं…चल, तुला गिफ्ट हवंय ना? आणले आहे. पण , त्यासाठी डोळे बंद कर, पट्टी बांध अन् ओळख गिफ्ट ते काय, असे म्हणत माथेफिरू प्रियकराने प्रेयसीने डोळे बंद करताच घात केला आणि चाकूने गळा चिरला. ती जिवाच्या आकांताने खोलीतून बाहेर पडली तर इकडे त्याने देखील स्वत:वर वार करत आत्महत्येचा प्रयत्न केला.
लॉजमध्ये प्रेमीयुगुलाचा रक्तरंजित थरार…
अमरावती जिल्ह्यातील परतवाड्यातील एका लॉजमध्ये सोमवारी दुपारी हा रक्तरंजित थरार घडला. त्या प्रेमीयुगुलाला अत्यवस्थेत रुग्णालयात हलविण्यात आले असून त्या प्रियकराविरुद्ध गुन्हा दाखल करण्यात आला आहे.संकेत दिनेश मांडवकर (२२, रा. आमनेर, ता. वरुड) असे त्या प्रियकराचे नाव आहे. जखमी १९ वर्षीय युवती काही वर्षांपूर्वी सोशल मीडियावरून दोघांचे प्रेमसूत जुळले.
दोघांनीही गिफ्ट आणले होते….
आरोपी संकेत हा अचलपूर येथे वर्षभरापासून महावितरण कंपनीत अॅप्रेंटिसशिप करत होता. तर त्याची प्रेयसी अमरावती येथील एका महाविद्यालयाची विद्यार्थिनी आहे. १९ मार्चला संकेतचा वाढदिवस होता. मात्र, वाढदिवशी दोघांची भेट झाली नाही म्हणून ते दोघं सोमवारी भेटले तिने संकेतसाठी शर्ट, तर त्याने तिच्यासाठी अंगठी भेट म्हणून आणली होती.
दोघात तिसरा आल्याचा संशय …
त्यादोंघांच्या प्रेमात तिसरा आल्याची कुणकुण संकेतला लागली म्हणून त्याने तिला सोमवारी अमरावतीहून परतवाड्याला बोलावून घेतले. लॉजमध्ये तिच्या डोळ्यांवर त्याने पट्टी बांधली आणि चाकूने तिच्यावर सपासप वार केले. या घटनेने चांगलीच खळबळ उडाली आहे.
