मुंबई : जर तुम्हीही कांदा उत्पादक शेतकरी असाल तर ही बातमी तुमच्यासाठी खूप महत्वाची आहे. कारण अर्थसंकल्पीय अधिवेशनात मुख्यमंत्री एकनाथ शिंदे यांनी कांदा उत्पादक शेतकऱ्यांसाठी एक मोठी घोषणा केली होती. ती म्हणजेच कांदा उत्पादक शेतकऱ्यांना प्रतिक्विंटल ३०० रुपयांचे सानुग्रह अनुदान देण्याचा निर्णय जाहीर केला होता.
यासाठी तीन एप्रिलपासून २० एप्रिल २०२३ पर्यंत शेतक-यांनी अर्ज करावेत असे आवाहन पणन संचालक यांनी केले आहे.
राज्यातील कृषी उत्पन्न बाजार समित्यांमध्ये, खाजगी बाजारमध्ये, थेट पणन अनुज्ञप्ती धारकांकडे अथवा नाफेडकडे एक फेब्रुवारी २०२३ ते ३१ मार्च २०२३ या कालावधीमध्ये कांदा विक्री केलेल्या शेतकऱ्यांना प्रति क्विंटल ३५० रुपये व जास्तीत जास्त २०० क्विंटलच्या मर्यादेत प्रती शेतकरी याप्रमाणे अनुदान मंजूर करण्यात आले आहे.
तरी राज्यातील कांदा उत्पादक शेतकऱ्यांनी कांदा अनुदान योजना सन २०२२ -२०२३ चा लाभ घेण्याकरिता विहीत नमुन्यातील अर्ज कृषी उत्पन्न बाजार समिती, खाजगी बाजार, थेट पणन परवाना धारक, नाफेड खरेदी विक्री केंद्र तसेच जिल्हा उपनिबंधक, तालुका उप/सहायक निबंधक, सहकारी संस्था यांचे कार्यालयात विनामूल्य उपलब्ध आहेत.
हे पण वाचाच..
जळगावकरांना रामनवमीचा दिलासा नाही ; आजचा काय आहे सोने-चांदीचा दर
मुक्‍या प्राण्यांना वाचवायला धावला पण… गुराख्यासह आठ जनावरांचा मृत्‍यू, चाळीसगावात घटना
अखेर आली गुडन्यूज ; सरकारने पेन्शनमध्ये केली ‘एवढ्या’ रुपयांची वाढ
सरकारी नोकऱ्यांची तयारी करणाऱ्या तरुणांनो लागा तयारीला ; केंद्रात तब्बल ‘इतके’ लाख पदे रिक्त
अर्जासोबत ही कागदपत्रे जोडावीत
विक्री केलेल्या कांदा विक्रीची मुळपट्टी, कांदा पिकाची नोंद असलेला ७/१२ उतारा, बँक पास बुकाची पहिल्या पानाची झेरॉक्स प्रत,आधार कार्ड ची झेरॉक्स प्रत,ज्या प्रकरणात ७/१२ उतारा वडिलांच्या नावे व विक्री पट्टी मुलाच्या अथवा अन्य कुटुंबियांच्या नावे आहे अशा प्रकरणामध्ये सहमती असणारे शपथ पत्र आवश्यक आहे.
अर्ज ज्या ठिकाणी शेतकऱ्यांनी कांदा विक्री केला त्या कृषि उत्पन्न बाजार समिती, खाजगी बाजार, थेट पणन अनुज्ञप्तीधारक ,नाफेड खरेदी केंद्र प्रमुख यांचेकडे विहित वेळेत सादर करावेत असे पणन संचालक यांनी कळविले आहे.
