नाशिक : नाशिकमधून एक धक्कादायक व्हिडीओ व्हायरल होत आहे. केकचे पैसे मागितल्याने दुकानदारावर कोयत्याने हल्ला करण्यात आल्याचा प्रकार सातपूर परिसरात घडला आहे. सदर धक्कादायक घटना दुकानात असलेल्या सीसीटीव्ही कॅमेऱ्यात कैद झाली आहे. या घटनेबाबत दुकानदाराने पोलिस ठाण्यात धाव घेतली असून तक्रार दाखल केली आहे. पोलीस नाशकातील या कोयता गँगचा शोध घेताय
समोर आलेल्या माहितीनुसार, सातपूर परिसरात असेल्या केकच्या दुकानात काल रात्री २ व्यक्ती केक घेण्यासाठी आले होते. त्यवेळी त्यातील एक तरुण केक घेऊन पैसे न देताच दुकानातून बाहेर निघाला. दुकानदाराच्या हे लक्षात येताच त्याने दुसऱ्या व्यक्तीला तो तरुण तुमच्यासोबत आहे का असे विचारले. त्यावर त्या व्यक्तीने नाही असे उत्तर दिले.
नाशकात कोयता गँगची दहशत pic.twitter.com/M0vAQ5Swtt
— Ruchika (@Ruchika66964659) March 27, 2023
म्हणजे हा तरुण आपले पैसे न देताच बाहेर निघाला आहे, असं दुकानदाराला वाटतं. त्यामुळे दुकानदार त्या तरुणाला जोरजोरात आवाज देत थांबवतो आणि केकचे पैसे मागतो. आपण चोर नाही आणि पैसे देणारच आहे असं म्हणत त्या तरुणाने यावेळी संताप व्यक्त केला. सीसीटीव्ही कॅमेऱ्यात दिसत आहे की, तरुणासोबत आलेली इतर मुलं देखील केक दुकानदाराशी भांडत आहेत.
या दोघांची बाचाबाची वाढल्यावर त्या तरुणाला राग अनावर होतो. त्यामुळे इतर मुलांसह तरुण दुकानादार व्यक्तीला मारण्यासाठी धावून जातता. पुढे दुकानातून बाहेर येत रस्त्यावर देखील दोघांमध्ये वाद सुरू होतो. त्यावर तरुण मुलगा दुकानदारावर थेट कोयता उगारतो. तो कोयता घेऊन दुकानदाराच्या अंगावर धावून जातो. या घटनेनंतर पोलिसांनी त्यांच्या कारवाईला सुरूवात केली असून अतापर्यंत ६ संशयितांना ताब्यात घेतलं आहे.
