यावल : यावल तालुक्यातील किनगाव येथे ६० वर्षीय वृद्धाची हत्या झाल्याची घटना समोर आली होती. या खूनप्रकरणी एक मोठा खुलासा झाला आहे. अनैतिक संबंधात अडथळा येत असल्याने सुनेने प्रियकराच्या मदतीने सासऱ्याचा खून केला. या प्रकरणी आरोपी प्रियकरासह किनगावातील सुनेला बेड्या ठोकल्या आहेत.
नेमकी काय आहे घटना?
यावल तालुक्यातील किनगाव येथील भीमराव शंकर सोनवणे (६०) यांचा शुक्रवारी किनगाव चुंचाळे रस्त्यावरील नाल्याचे पुलाखाली मृतदेह आढळून आला होता. त्यांची गळा चिरून हत्या करण्यात आलेली होती.याबाबत खुन झालेल्या व्यक्तिच्या मुलगा विनोद भिमराव सोनवणे यांनी यावल पोलीस ठाण्यात खून झाल्याची फिर्याद दिली होती . याप्रकरणी पोलिसांनी तपासाची चक्रे फिरवली असतांना त्यांना सुनेवर संशय आला.
हे पण वाचा..
खळबळजनक ; पत्नीशी अनैतिकसंबंध असल्याच्या संशयातून भावाचा केला खून..!
जळगावकरांनो सावधान.! तुमच्याकडे तर नाही ही नोट? नकली नोटा चलनात आणणारे दोघे गजाआड
12वी ते पदवी पास आहात? EPFO मार्फत निघाली तब्बल 2859 पदांसाठी भरती, भरपूर पगार मिळेल
सुनेने तिच्या प्रियकरच्या मदतीने ही कृत्य केले. सदर प्रियकर जावेद शाह अली शाह, (वय २८ रा. वरणगाव ह.मु. उदळी तालुका रावेर) वारंवार किनगाव येथे यायचा तेव्हा तो इथे का येतो ? याचा जाब मयत भीमराव सपकाळे यांनी विचारला होता त्याचा त्याला सतत राग यायचा यातुन हा गुन्हा घडला असुन संशयीतास पोलिसांनी भुसावळ येथून रात्री ताब्यात घेतले व त्याने गुन्ह्याची कबुली दिली आहे.
