मुंबई : शिंदे-फडणवीस सरकारनं आपला पहिलावहिला अर्थसंकल्प सादर केला असून यात महिलांसाठी अनेक घोषणा करण्यात आल्या आहेत. त्यापैकी शिंदे-फडणवीस सरकारनं महिलांना सरसकट एसटी प्रवासात 50 टक्क्यांची सूट दिली आहे. तर महिला सुरक्षा, सुविधाजनक प्रवासासाठी महिला केंद्रीत पर्यटन धोरण लागू करण्याचीही घोषणा केली आहे.
आजच्या बजेटमध्ये मुलींच्या सक्षमीकरणाकरता ‘लेक लाडकी’ ही नवी योजना सुरू करण्यात येईल, अशी घोषणा अर्थसंकल्पातून करण्यात आली.
हे पण वाचाच..
राज्याच्या अर्थसंकल्पात देवेंद्र फडणवीसांनी केल्या ‘या’ 20 मोठ्या घोषणा; जाणून घ्या क्लीकवर..
पन्नास खोके नागालँड ओके ; सभागृहात गुलाबरावांचा राष्ट्रवादीवर जोरदार प्रहार
महिलांच्या आरोग्यासाठी ‘माता सुरक्षित तर घर सुरक्षित’ अभियानांतर्गत चार कोटी महिला आणि मुलींची आरोग्य तपासणी, औषधोपचार करण्यात येतील. राज्यातील अंगणवाडी मिनी अंगणवाडी सेविका आणि मदतनीस यांची रिक्त असलेली सुमारे वीस हजार पदे भरण्यात येतील, अशी घोषणा अर्थसंकल्पातून करण्यात आली. तसेच, बचत गटांच्या माध्यमातून 37 लाख ग्रामीण महिलांना उपजीविकेची साधने उपलब्ध करून देण्यात आली आहे. बचत गटांच्या माध्यमातून लातूर जिल्ह्यामध्ये बांबू क्लस्टर, कोल्हापूर जिल्ह्यामध्ये कोल्हापुरी चप्पल क्लस्टर हे विकसित करण्यात येईल, अशी तरतूद अर्थसंकल्पातून करण्यात आली आहे.