पुणे : कसबा पेठ आणि चिंचवड विधानसभा पोटनिवडणुकीसाठी आज सकाळपासून मतदानाला सुरुवात झाली आहे. मात्र यादरम्यान, भाजप समर्थक नगरसेवक सागर आंघोळकर आणि अपक्ष उमेदवार राहुल कलाटे यांचे समर्थक गणेश जगताप यांच्यात पिंपळे गुरवमध्ये धक्काबुक्की झाल्याची घटना घडली आहे. त्याचा व्हिडिओ (Video) देखील व्हायरल झाला आहे.
मात्र बंदोबस्तासाठी असलेले पोलिसांनी मध्यस्थ केली आणि पुढील अनर्थ टळला. दरम्यान, संबंधित प्रकाराबाबत तक्रार आल्यास कायदेशीर कारवाई केली जाईल आणि शहरात सुरळीत मतदान सुरू असल्याचा दावा पोलीस आयुक्त काकासाहेब डोळे यांनी केला.
पुण्यातील पोटनिवडणुकीला गालबोट, मतदानादरम्यान जोरदार राडा#pune #Bypoll #Chichwad pic.twitter.com/0FduRZtaOu
— Saurabh Spotlight (@spot_the_lights) February 26, 2023
दरम्यान, राजकारणात कोणी कोणाचा कायमचा शत्रू नसतो आणि कायमचा मित्रही नसतो याचाच प्रत्यय चिंचवड मतदारसंघात आला. दिवंगत आमदार लक्ष्मण जगताप यांचे बंधू शंकर जगताप आणि महाविकास आघाडीचे उमेदवार नाना काटे हे समारोसमोर आले आणि त्यानंतर जे घडलं ते त्यांच्या कार्यकर्त्यांनी अपेक्षित नसेल. दोघांनीही एकमेकांची गळा भेट घेत, हस्तांदोलन केलं आणि एकमेकांना निवडून येण्याच्या शुभेच्छाही दिल्या. आपल्या नेत्यांनी आपल्याला दिलेली शिकवण आपण स्मरणात ठेवली आहे. राजकारणापलीकडे मैत्री जपण्याचा प्रयत्न करत असल्याचं दोघेही म्हणाले.