अहमदनगर : लावणी डान्सर गौतमी पाटीलच्या कार्यक्रमाला होणारी मोठी गर्दी आणि त्यामधील वाद ही काही नवी बाब राहिलेली नाही. त्यातच आता गौतमी पाटीलच्या आणखी एका कार्यक्रमात तुफान राडा झाला आहे. अहमदनगर जिल्ह्यातील राहाता इथे आयोजित कार्यक्रमात हा राडा झाला असून हुल्लडबाजांना आवरण्यासाठी पोलिसांचा लाठीचार्ज करावा लागला.
त्यामुळे उपस्थित प्रेक्षकांची मात्र एकच पळापळ झाली आणि आयोजकांना कार्यक्रम आटोपता घ्यावा लागला. तर मोठ्या बंदोबस्तात गौतमीला कार्यक्रम स्थळावरुन बाहेर काढावे लागले.
नेमकं काय घडलं?
अहमदनगर जिल्ह्यातील राहाता येथे गौतमी पाटीलच्या डान्सचा कार्यक्रम आयोजित करण्यात आला होता. यावेळी मोठ्या संख्येने तरुणांची उपस्थिती होती. दरम्यान, कार्यक्रम ऐन जोमात असताना काही प्रेक्षकांनी गौतमीवर पैशाची उधळण सुरू केली. त्यामुळे गौतमीने नाराजी व्यक्त करत डान्स थांबवला आणि स्वतः माईक हातात घेत प्रेक्षकांना गोंधळ न करण्याची विनंती केली.
राहाता / अहमदनगर
-गौतमी पाटीलच्या कार्यक्रमात तुफान राडा, पोलिसांचा लाठीचार्ज, लोकं जीव मुठीत घेऊन पळाले, व्हिडीओ व्हायरल
VIDEO Credit : Sachin Bansode#Ahmadnagar #GautamiPatil #Rahata #Police #ViralVideo pic.twitter.com/vrBPMqU4kW
— Satish Daud Patil (@Satish_Daud) February 24, 2023
दरम्यान, गौतमीने डान्स थांबविल्याने प्रेक्षकांनी कल्ला करत तुफान राडा घातला. अतिउत्साही प्रेक्षकांना नियंत्रित करताना ६० बाऊन्सरसह आयोजकांची चांगलीच दमछाक झाली. पोलिसांनी (Police) हस्तक्षेप करत गर्दीला शांत करण्याचा प्रयत्न केला. मात्र, तरीही गोंधळ सुरूच राहिल्याने अखेर पोलिसांना लाठीचार्ज करावा लागला.
