जामनेर,(प्रतिनिधी)- तालुक्यातील मालदाभाडी शिवजयंती निमित्त गावातील तरुणांनी राजकारण बाजूला ठेऊन समाजकारण म्हणून स्वच्छता मोहीम राबवली या स्तुत्य उपक्रमाचे सर्वांनीच कौतुक केलं गावातील श्री हनुमान मंदिराच्या आजूबाजूचा संपूर्ण परिसर स्वच्छ करण्यात आला.
मालादाभाडी हे गाव जामनेर आणि बोदवड यांच्या मेनरोड पासून एक किलोमीटर आता मध्ये येत असल्याने बस गावातून जाते. त्यामुळे ड्रायव्हर ला याच मंदिराजवळून बस घेऊन जावी लागते येथून बस घेऊन जात असताना ड्रायव्हरला खूप त्रास सहन करावा लागत असल्याने त्यांनाही या तरुणांच्या कामामुळे वाहन चाळविण्यास सुलभता होणार आहे. के काम ग्रामपंचायतीने करायला पाहिजे होते ते होऊ न शकल्याने या तरुणांनी शिवजयंती महोत्सव मिरवणुकीवर खर्च न करता ही स्वच्छता मोहीम राबवून आगळी वेगळी शिवजयंती साजरी केली आहे.
यावेळी गावातील पोलीस पाटील,कैलास मालखेडे ,गजानन खराटे, अमोल परखड,गजानन बिजागारे,नितीन शेळके,सचिन बिजागरे,शिवम घुगरे, विद्यार्थी सागर घुगरे,देवेंद्र घुगरे,राज पढार,हर्षल जंगलेआदींनी परिश्रम घेतले.
