बरेली : देशात महिलांसह अल्पवयीन मुलींवर होणारे अत्याचार काही केल्या थांबतच नाहीय. अशातच नात्याला काळीमा फासणारी एक धक्कादायक घटना उत्तर प्रदेशात घडली आहे. एका पित्याने विकृतीच्या मर्यादा ओलांडल्या. नराधम बापाने आपल्या सात वर्षांच्या मुलीवर बलात्कार केला आहे. परंतु त्याच्या या विकृतीत पिडीतेच्या आईने त्याला साथ दिली. नातेवाईकांच्या तक्रारीवरुन पोलिसांनी पिडीतेच्या नराधम बापासह तिच्या आईला अटक केली आहे.
उत्तर प्रदेशातील बरेली येथील बहेदी कोतवाली परिसरात ही घटना घडलीय. आरोपी बाप कोरोनाच्या काळात पॉस्को कलमांतर्गत एका प्रकारणात तुरुंगात गेला होता. तिथून सुटून आल्यानंतर त्याने पोटच्या मुलीवरच बलात्कार केला. एवढेच नाही तर त्याच्या या कृत्यात त्याची बायको म्हणजेच त्या मुलीच्या सावत्र आईने त्याला साथ दिली आहे. मुलगी ओरडू नये म्हणून त्या सावत्र आईने तिचे तोंड दाबले होते.
या प्रकरणी एसपी देहात राजकुमार अग्रवाल यांनी सांगितले की, बहेडी गावातील एका व्यक्तीवर बलात्काराचा गुन्हा दाखल करण्यात आला आहे. त्याच्या भाचीवर तिच्याच वडिलांनी बलात्कार केला आहे. त्यावरुन पिडीत मुलीच्या नराधम बापासह सावत्र आईला अटक करण्यात आली आहे. या प्रकाराबाबत कुटुंबातील अन्य सदस्यांना समजल्यानंतर त्यांनी पोलिसांना याबाबत माहिती दिली. पोलिसांनी तत्काळ कारवाई करत आरोपीला अटक केली. पोलीस सगळ्यात आधी आरोपीला घरी घेऊन गेले आणि तिथे त्याच्या गुन्ह्यात साथ देणाऱ्या त्याच्या पत्नीलाही ताब्यात घेतले. याचबरोबर हल्दवानी आणि बरेली येथे आरोपींविरुद्ध पास्को कायद्यांतर्गत गुन्हा नोंदवण्यात आल्याचेही सांगण्यात येत आहे.
सन 2017 मध्येही आरोपीवर कलम 354 आणि 366 नुसार कारवाई करण्यात आली आहे. अशाच एका प्रकरणात तो हल्दवानी तुरुंगातही गेला आहे.
