मुंबई,(प्रतिनिधी)-  TV अभिनेत्री तुनिषा शर्माने एका टीव्ही मालिकेच्या सेटवर गळफास घेऊन आत्महत्या केल्याची धक्कादायक घटना समोर आली आहे. TV सिरीयल अभिनेत्री तुनीषा फक्त वीस वर्षांची होती. सेट वरिल मेकअप रूममध्ये तिचा मृतदेह आढळून आला. त्यानंतर अभिनेत्रीला रुग्णालयात नेले असता डॉक्टरांनी तिला मृत घोषित केले.

वसई पोलिसांनी पुढील तपास सुरु केला असून टीव्ही सीरियलच्या सेटवरील शूटिंगही थांबवण्यात आले आहे. टीव्ही अभिनेत्री तुनिषा शर्मा हिने चक्रवर्ती अशोक सम्राट, भारत का वीर पुत्र – महाराणा प्रताप आणि इतर टेलिव्हिजन कार्यक्रमांमधील भूमिकांसाठी प्रसिद्ध आहे. अभिनेत्री तिच्या अली बाबा: दास्तान-ए-काबुल या TV शोचे शूटिंग करत होती.

तुनिशा ही बाल कलाकार होती. ती कॅटरिना कैफ आणि विद्या बालनसोबत दिसली होती. तुनिषाने लहान कतरिना कैफची भूमिका साकारत फितूरमध्ये पदार्पण केले. बार बार देखो मध्येही तिने तेच केले. ‘कहानी 2′मध्ये तिने विद्या बालनसोबत काम केले होते.