जळगाव,(प्रतिनिधी)- तुझी मुलगी ज्या रिक्षाने शाळेत जाते, त्या रिक्षाचे व शाळेचे नाव माहीत असून, थांब थोडे दिवस, तुला रस्त्यातून हटवावं लागेल म्हणत पतीच्या प्रियसिने पत्नीला धमकी दिल्या प्रकरणी जळगावात गुन्हा दाखल करण्यात आला आहे.
आरपीएफम मध्ये सहायक फौजदार पदावर पती असून सहकारी महिलेसोबत अनैतिक संबंध असून त्या महिलेने धमकी व अश्लील शिवीगाळ केल्या प्रकरणी पती व त्याच्या प्रेयसीविरुद्ध शहर पोलिस ठाण्यात गुन्ह्याची नोंद करण्यात आली आहे.
महिलेचा पती हा आरपीएफमध्ये सहायक फौजदार असून, तो सध्या मुंबई येथे नेमणुकीस आहे. सन २०१५मध्ये महिलेला आपल्या पतीचे सहकारी महिलेसोबत अनैतिक संबंध असल्याचे कळाले. त्यानंतर पती पत्नीमध्ये वाद होत होते. मार्च महिन्यात पतीची मुंबईला बदलीत्यानंतर पतीच्या प्रेयसीने महिलेला फोन करून तुझी मुलगी ज्या रिक्षाने शाळेत जाते, त्या रिक्षाचे आणि शाळेचे नाव माहिती असून, शाळेतून मुलगी परत येणार नाही, अशी वारंवार धमकी देऊन शिविगाळ केली, तर पतीनेसुध्दा तु आमची कितीही तक्रार कर, आमचे काहीही होणार नाही, तु माझ्या रस्त्यातला मोठा काटा आहे, थोडे दिवस थांब तुला रस्त्यातून हटवितो म्हणून अश्लील भाषेत शिविगाळ असलेला मेसेज पाठविला म्हणून अखेर पती व त्याच्या प्रेयसीकडून होणाऱ्या त्रासाला कंटाळून महिलेने शहर पोलिसात तक्रार केली.
