मुंबई : राज्यात सत्तांतर झाल्यापासून ठाकरे गटाच्या शिवसेनेला मोठा झटका बसत आहे. एक-एक करत अनेक नेते कार्यकर्त्यांनी शिंदे गटात प्रवेश केला आहे. ठाकरे गटाकडून शिंदे गटात इनकमिंग सुरू असताना आता ठाकरे गटाला दिलासा देणारी बातमी समोर आली आहे.
औरंगाबाद जिल्ह्यातील भाजप, राष्ट्रवादीच्या अनेक प्रमुख पदाधिकाऱ्यांनी ठाकरे गटात प्रवेश केला आहे. आज या पदाधिकाऱ्यांनी मातोश्रीवर जाऊन हाती शिवबंधन बांधल. नव्याने पक्षप्रवेश केलेल्या या सर्व पदाधिकाऱ्यांचं उद्धव ठाकरे यांनी स्वागत केलं आहे.
राष्ट्रवादी काँग्रेसचे माजी आमदार भाऊसाहेब पाटील चिकटगावकर, प्रतापराव पाटील निंबाळकर, कृषी उत्पन्न बाजार समितीचे सभापती प्रतापराव पाटील धोर्डे यांच्यासह अनेक पदाधिकाऱ्यांनी आज शिवसेना ठाकरे गटात प्रवेश केला आहे. दुसरीकडे पैठणमध्ये देखील भाजपाला ठाकरे गटाने मोठा धक्का दिला आहे. बद्रीनाथ भुमरे पाटील, डॉ पांडुरंग राठोड, यांच्यासह भाजपच्या अनेक पदाधिकाऱ्यांनी आज ठाकरे गटात प्रवेश केला आहे.
