यावल : ‘बाहुबली’ चित्रपट तुम्ही पहिलाच असेल. त्यात अभिनेता प्रभास याने महादेवाची पिंड एका जागेवरून खोदून काढतो आणि दुसरीकडे धबधबाच्या पाण्याखाली ठेऊन देतो, अगदी या सीनला साजेसाच प्रकार यावल तालुक्यातील साकळी गावात घडला आहे. गावातीलच पाटचारी जवळील श्री पाटेश्वर महादेव मंदिरातील श्री महादेवांच्या पिंडीची तोडफोड करून खोदून ती कोणीतरी अज्ञात माथेफिरूने थेट जवळच्या पाटचारीच्या पाण्यात टाकल्याची घटना घडली आहे. या घटनेने जळगाव जिल्ह्यात खळबळ उडाली आहे.
गावाच्या जवळच पाटचारी असून बाजूलाच श्री पाटेश्वर महादेव मंदिर आहे. त्या मंदिरात शेकडो वर्षांची पिंड होती. दर्शनाला गेलेल्या नागरिकांच्या पिंड नसल्याची बाब निदर्शनास आली. त्यामुळे संपूर्ण गावात चर्चा सुरू झाली. ठिकठिकाणी पाहणी सुरू झाली. बाजूलाच असलेल्या पाटचारीमध्येही शोध सुरू झाला आणि पिंड आढळून आली. त्याचा काही भाग तुटलेला अवस्थेत होता. त्यामुळे अज्ञात माथेफिरुने मूळ जागेवरील पिंड खोदून बाजूलाच असलेल्या पाटचारीच्या पाण्यात टाकून दिल्याची घटना समोर आली.
जळगावमधील ही घटना संपूर्ण पंचक्रोशीत चर्चेचा विषय ठरत असला तरी दुसरीकडे गावकऱ्यांनी दुर्दैवी घटणेमुळे नाराजी व्यक्त केली आहे. बाहुबली चित्रपटातील साजेसाच प्रकार घडल्याने या घटनेची जोरदार चर्चा होत आहे. तर दुसरीकडे गावकऱ्यांच्या फिर्यादीवरुन आज्ञाताविरोधात गुन्हा दाखल करण्यात आला आहे.
हे पण वाचा :
देशी कट्ट्याने ठार मारू.. शरद पवारांना जीवे मारण्याची धमकी, राजकारणात खळबळ
धुळ्यात तब्बल 75000 रुपयाच्या नोकरीची संधी.. या पदांवर निघाली मोठी भरती
…म्हणून पतीने पत्नीसोबतचे बेडरूममधील व्हिडिओ केले व्हायरल
भाड्याने घरात राहणाऱ्या विवाहितेसोबत अनैतिक संबंध, नंतर पुढे जे घडलं ते धक्कादायकच .. जळगावातील घटना
यावल पोलीस ठाण्याचे पोलिस निरिक्षक राकेश मानगावकर यांच्या इतर पोलीस कर्मचारी यांनी घटनास्थळी जाऊन पंचनामा केला असून पुढील तपास सुरू केला आहे.