भुसावळ :- या वर्षी महाविद्यालयाच्या प्लेसमेंट विभागाने महत्त्वाची भूमिका बजावून सर्व विद्यार्थ्यांना नोकरी मिळवून देण्याचा प्रयन्त केला आहे. यापुढेही महाविद्यालयात प्रवेश घेतलेला एकही विद्यार्थी नोकरीपासून वंचित राहू नये यासाठी काही बहुराष्ट्रीय कंपन्यांशी आम्ही करार करणार आहोत. यासाठी आमचे सर्वतोपरी प्रयत्न चालू आहेत असे महाविद्यालयाचे प्राचार्य डॉ.आर.पी.सिंह यांनी सांगितले .तसेच जागतिक पातळीवर अभियांत्रिकी क्षेत्रात रोजगाराला अच्छे दिन आले आहे अशी माहिती सुद्धा त्यांनी दिली.
येथील श्री संत गाडगेबाबा अभियांत्रिकी महाविद्यालयातील गजानन इलेक्ट्रॉनिक्स अँड टेलिकॉम, इलेक्ट्रिकल, कॉम्पुटर, सिव्हिल, मेकॅनिकल विद्याशाखांतील विद्यार्थ्यांसाठी कॅम्पस मुलाखतींचे आयोजन करण्यात आले होते दिनांक १४ जून २०१९ रोजी भारतातील लहान मुलांचे खेळणे बनवणारी मल्टि नॅशनल कंपनी फनस्कूल इंडिया प्रायव्हेट लिमिटेड तर्फे ४७ विद्यार्थ्यांच्या मुलाखती घेण्यात आल्या, त्यापैकी ४० विद्यार्थ्यांना आकर्षक पगाराच्या नोकऱ्या मिळाल्या आहेत. १० लाख वार्षिक उत्पन्नापासून २.५ वार्षिक उत्पन्नाच्या नोकऱ्या विद्यार्थ्यांना मिळाल्या आहेत.
