नाशिक : मुंबईहून दरभंगाकडे जाणाऱ्या पवन एक्सप्रेसच्या एसी डब्यात एका माथेफिरुने ॲसिडने हल्ला केल्याची धक्कादायक बाब मनमाड रेल्वेस्थानकावर समोर आली आहे. या माथेफिरुने केलेल्या हल्ल्यात दोन प्रवासी आणि दोन आरपीएफ जवान किरकोळ जखमी झाले होते. या घटनेने रेल्वे वर्तुळात खळबळ उडाली आहे.
माथेफिरूचे नाव धनेशवर यादव असून तो भागलपूरचा आहे. माथेफिरुने हे कृत्य का केलं? याचाही शोध रेल्वे पोलीस निरीक्षक जोगदंड तपास करत आहेत.
मुंबईवरुन निघणाऱ्या पवन एक्सप्रेसच्या डब्यात एक माथेफिरु शिरला होता, त्याने एसी डब्यात धुमाकूळ घालण्यात सुरुवात केली होती. माथेफिरु जोरजोरात ओरडून शिवीगाळ करत होता, प्रवाशांनी त्याला हटकावन्याचा प्रयत्न केला मात्र तरी देखील माथेफिरु प्रवाशांना त्रास होईल असे कृत्य करतच होता.
रेल्वेने प्रवास करत असतांना काही प्रवाशांनी आरपीएफ जवानांना ही बाब कळवली होती, लागलीच आरपीएफ जवान एसी डब्यात दाखल झाले होते. सावध असलेल्या माथेफिरुने त्याच्याकडे असलेल्या ॲसिड जोरात जवानांच्या दिशेन फेकले होते, यामध्ये दोन प्रवासी आणि दोन आरपीएफ जवान जखमी झाले आहेत.
हे पण वाचा..
..तर तेच भविष्यकाराचं भविष्य सांगतील ; त्या टीकेवर मंत्री गुलाबरावांकडून मुख्यमंत्र्यांची पाठराखण
SBI ग्राहकांसाठी महत्वाची बातमी ! ATM मधून पैसे काढण्याच्या नियमात बदल, आताच जाणून घ्या …
लागलीच त्याने रेल्वेच्या शौचलयात स्वतःला कोंडून घेतले होते, त्यामध्ये रेल्वे पोलीस त्याला बाहेर येण्यासाठी प्रयत्न करत होते, मात्र बाहेर येत नसल्याने दरवाज्या तोडून त्याला बाहेर काढले होते. या माथेफिरुला रेल्वे पोलीसांनी ताब्यात घेत मनमाड पोलीसांच्या हवाली केले आहेत, त्याच्याकडे ॲसिड कुठून आले? रेल्वेत बसून तो कुठे जात होता याबाबत माहिती काढण्याचा प्रयत्न करत आहे.
