नवी दिल्ली : केंद्र सरकारकडून शेतकऱ्यांसाठी विविध योजना राबविल्या जात आहे. शेतकऱ्यांसमोरील आर्थिक अडचणी दूर करून त्यांचे उत्पन्न वाढवणे हा या योजनांमागील मुख्य उद्देश आहे. दरम्यान, तुम्ही शेतकरी असाल आणि शेती करत असाल तर आता मोदी सरकारने Pm किसान FPO योजना सुरू केली आहे. किसान एफपीओ योजना तुमच्यासाठी खूप फायदेशीर ठरू शकते.
प्रतिकूल हवामान, कमी उत्पादन ते खर्चाचे गुणोत्तर, पीक बाजारपेठेत नेणे, खते-बियाणे निवडीपर्यंतच्या आव्हानांपासून शेतकऱ्यांना अनेक समस्यांना तोंड द्यावे लागत आहे. हे लक्षात घेऊनच केंद्र सरकारने PM Kisan FPO योजना सुरू केली आहे. या योजनेंतर्गत सरकारने 2023-24 पर्यंत शेतकऱ्यांचे 10,000 गट तयार करण्याचे उद्दिष्ट ठेवले आहे.
योजनेविषयी जाणून घ्या
हे लक्षात घ्या कि, केंद्र सरकारकडून PM Kisan FPO Yojana द्वारे देशभरातील शेतकऱ्यांना नवीन शेती व्यवसाय सुरू करण्यासाठी 15 लाख रुपये दिले जात आहेत. मात्र याचा लाभ घेण्यासाठी 11 शेतकऱ्यांना मिळून एक संस्था किंवा कंपनी स्थापन करावी लागणार आहे. ज्यामुळे शेतकऱ्यांना कृषी उपकरणे किंवा खते, बी-बियाणे किंवा औषधांची खरेदी करणे सोपे होणार आहे.
हे शेतकरी पात्र ठरतील
या योजनेअंतर्गत PM Kisan FPO Yojana शी आधीच जोडल्या गेलेल्या शेतकरी उत्पादक संघटनेलाच 15 लाख रुपये दिले जातील. म्हणजेच पीएम किसान योजनेचे लाभार्थी असलेल्या शेतकऱ्यांनाच या योजनेचा लाभ मिळेल. मात्र या योजनेशी संबंधित नसलेल्या शेतकऱ्यांना याचा लाभ घेता येणार नाही.
PM Kisan FPO या योजनेचा लाभ घेण्यासाठी, आपल्याला सर्वांत आधी राष्ट्रीय कृषी बाजाराच्या अधिकृत वेबसाइटला भेट द्यावी लागेल. यानंतर आपल्यासमोर एक होम पेज ओपन होईल. या होम पेजवरील FPO च्या पर्यायावर क्लिक करावे लागेल. त्यानंतर ‘Registration’ या पर्यायावर क्लिक करा. यानंतर आपल्यासमोर रजिस्ट्रेशनसाठी एक फॉर्म उघडेल. या फॉर्ममध्ये विचारण्यात आलेले तपशील भरावे लागतील. यानंतर पासबुक किंवा कॅन्सल चेक आणि आयडी प्रूफ स्कॅन करून अपलोड करावे लागतील.यानंतर आपले रजिस्ट्रेशन पूर्ण होईल.