जळगाव :जळगाव जिल्हा दूध संघातल्या लोणी आणि दूध पावडरच्या अपहार प्रकरणी पोलिसांनी संघाचे व्यवस्थापकीय संचालक मनोज लिमये यांच्यासह चौघांना अटक केली आहे. यामुळे मोठी खळबळ उडाली असून दूध संघाच्या व्यवस्थापकीय संचालकांना अटक झाल्याने हा खडसे गटाला मोठा धक्का मानला जात आहे.
काय आहे प्रकरण?
गेल्या महिन्यात भाजपचे आमदार मंगेश चव्हाण यांनी दूध संघात सुमारे दीड कोटी रुपयांचा लोणी आणि दूध पावडरचा अपहार झाल्याची तक्रार दाखल केली होती.या तक्रारीच्या तपासात संशयित आरोपी म्हणून व्यवस्थापकीय संचालक मनोज लिमये यांच्यासह इतरांचा सहभाग स्पष्ट झाल्याने पोलिसांनी अटकसत्र राबवलं आहे.
पोलिसांनी निलेश लिमयेंसह चौघांवर ही कारवाई केली आहे. या चौघांनाही अटक केल्यानंतर पोलिसांनी त्यांना वैद्यकीय तपासणीसाठी जिल्हा रुग्णालयात नेले आहे.