स्टडी क्लब’ च्या उपक्रमाला विद्यार्थ्यांचा उत्स्फूर्त प्रतिसाद
जळगाव- कॉलेजच्या आवारात विविध वृक्षाची बाग… जवळच महाविध्यालयीन अभ्यासक्रमाचे ग्रंथालय… आणि येथील पुस्तके घेऊन निसर्गरम्य वातावरणातील बागेत अभ्यास करणारे विद्यार्थी… असे उत्साहपूर्ण चित्र जी. एच. रायसोनी महाविद्यालयातील कॅम्पसमध्ये सध्या पाहावयास मिळत आहे.
कवियत्री बहिणाबाई चौधरी उत्तर महाराष्ट्र विध्यापिठाने विविध अभ्यासक्रमाच्या परीक्षाचे वेळापत्रक जाहीर केल्याने सर्व विध्यार्थी जोमाने अभ्यासाला लागले आहे. घर असो की कॉलेज प्रत्येक विध्यार्थी आपल्या वर्गात शिकवलेल्या बाबीचा अभ्यास करताना दिसत आहे. या अनुषंगाने जी. एच. रायसोनी महाविध्यालयाने ‘बागेतील अभ्यासिका’ हा उपक्रम सुरु केला असून त्याला महाविद्यालयातील विध्यार्थ्याचा उत्स्फृत प्रतिसाद मिळत आहे. रायसोनी इस्टीट्यूट मधील विविध कॉलेजच्या विद्यार्थ्यांना अभ्यास करण्याची निसर्गरम्य वातावरणात संधी मिळावी, म्हणून हा जिल्ह्यातील पहिला प्रोजेक्ट कॅम्पसमध्ये सुरु करण्यात आला आहे. कॅम्पसमध्ये असणारे रायसोनी बिजनेस मॅनेजमेट महाविध्यालय, रायसोनी अभियांत्रिकी महाविध्यालय, रायसोनी कनिष्ट महाविध्यालय, रायसोनी पॉलिटेक्निक यासारख्या वेगवेगळ्या महाविद्यालयातील हजारो विद्यार्थी रायसोनी इस्टीट्यूट मध्ये शिक्षण घेत आहेत. त्यातच वस्तीगृहातील व ग्रामीण भागातील विद्यार्थ्यांना विविध परीक्षांची तयारी करता यावी, यासाठी येथे ‘स्टडी क्लब’ हा प्रोजेक्ट हाती घेण्यात आला. या माध्यमातून महाविद्यालयातील ग्रंथालय मुलांसाठी २४ तास सुरु ठेवण्यात येते. परंतु ग्रंथालयातून पुस्तक घेऊन तासनतास रिडींग रुममध्ये अभ्यास करण्याचा मुलांना कंटाळा येऊ शकतो, हे लक्षात घेऊन रायसोनी महाविध्यालयाच्या वतीने ‘बागेतील अभ्यासिका’ हा उपक्रम सुरु करण्यात आला आहे. यामुळे विविध अभ्यासक्रमाचे विध्यार्थी एकत्र येत असून त्यांच्या अभ्यासक्रमातील विविध पैलूमुळे नवनिर्मिती व इंटरडीसीप्लीनरी येण्यास मदत होत आहे. या उपक्रमाला विद्यार्थ्यांचा उत्तम प्रतिसाद मिळत आहे. रायसोनी इस्टीट्यूटच्या संचालिका प्रा. डॉ. प्रिती अग्रवाल यांच्या मार्गदर्शनाखाली हा उपक्रम सुरु असून, यशस्वीतेसाठी प्रा. मकरंद वाठ, प्रा. रफिक शेख, प्रा. राज कांकरिया, प्रा. भूषण राठी, प्रा. प्रशांत देशमुख, प्रा. गौरव संचेती, डॉ. दिपक शर्मा, जनसंपर्क अधिकारी बापूसाहेब पाटील हे परिश्रम घेत आहेत.
