कधी टीव्ही तर कधी… सततच्या मागण्याला वैतागून पतीने पत्नीला दिला भयंकर मृत्यू, दीड वर्षापूर्वी केलं होते लव्ह मॅरेज

गुरुग्राम –  गुरुग्राममधील इफको चौकाजवळ एका सुटकेसमध्ये एका तरुण महिलेचा मृतदेह आढळून आल्याने खळबळ उडाली होती. मृतदेह पाहून महिलेची निर्घृण हत्या झाल्याचे स्पष्ट झाले होते. अखेर या सापडलेल्या मृतदेहाची आता ओळख पटली असून हत्येचे कारणही कळले आहे. पोलिसांनी सीसीटीव्ही कॅमेऱ्याच्या मदतीने या हत्याकांडाचा खुलासा केला आहे.

मिळालेल्या माहितीनुसार, प्रियांका असे मृत महिलेचे नाव असून ती उत्तर प्रदेशातील सुलतानपूर येथील रहिवासी होती. ती आपल्या पती आणि मुलांसह गुरुग्राममध्ये भाड्याच्या घरात राहत होती आणि प्रियांकाची हत्या करणारा दुसरा कोणी नसून तिचा पती राहुल आहे. राहुल सध्या पोलिसांच्या ताब्यात असून, पहिल्या चौकशीत त्याने संपूर्ण घटनेचा खुलासा केला.  राहुल आणि प्रियांकाने दीड वर्षापूर्वी लव्ह मॅरेज केले होते.

प्रियंकाच्या पतीने टीव्ही आणि वृत्तपत्रातून मृतदेह सुटकेसमध्ये टाकून फेकून दिल्याच्या बातम्या ऐकल्या आणि वाचल्या होत्या. तेच पाहून पतीने १६ ऑक्टोबरच्या रात्री पत्नी प्रियांकाचा गळा आवळून खून केला. पत्नीच्या हातावर त्याच्या नावाचा टॅटूही कोरला होता.त्यामुळे तो टॅटू पुसण्यासाठी राहुलने चाकूने पत्नीचा हात खरवडला आणि नंतर पेटवून दिला. यानंतर तो रात्रभर मृतदेहासोबत घरातच राहिला.

नंतर त्याने गुरुग्राममधील इफको चौकाजवळ फेकला. मात्र पोलिसांनी ज्या ठिकाणाहून बॅग जप्त केली त्या ठिकाणचे सीसीटीव्ही फुटेज स्कॅन करण्यास सुरुवात केली. योगायोगाने एका कॅमेऱ्यात एक माणूस तीच बॅग रस्त्यावर ओढताना दिसतो. भरदिवसा मृतदेह ठेवून, बॅग घेत बेधडकपणे रस्त्याने चालत होते. या सीसीटीव्ही फुटेजच्या मदतीने अखेर पोलिसांनी संशयिताची ओळख पटवली आणि लवकरच त्याला पकडले. त्याने आपला गुन्हाही कबूल केला. पण त्याने सांगितलेली हत्येची कहाणी खूप विचित्र होती.

हे सुद्धा वाचा.. 

आजपासून बसचा प्रवास महागला; वाचा किती रुपयांची झाली वाढ

बकालेंना औरंगाबाद खंडपीठाचाही झटका ; अटकपूर्व जामीन फेटाळला

उद्यापासून बँकांना तब्बल ‘इतके’ दिवस सुट्ट्या ; बँकेची कामे आजचं आपटून घ्या..

पोरांनो तयारीला लागा! 75 हजार रिक्त पदांच्या भरतीचा मार्ग मोकळा

कधी टीव्ही तर कधी… मागणी करायची

चौकशीत राहुलने पोलिसांना सांगितले की, लग्नानंतर पत्नीने कधी टीव्ही तर कधी महागड्या मोबाईलची मागणी करायला सुरुवात केली. हे सर्व विकत घेण्यासाठी त्याच्याकडे पुरेसे पैसे नव्हते. त्यामुळे दोघांमध्ये भांडण सुरू झाले. सततच्या मागण्या आणि दिवसेंदिवस होणाऱ्या भांडणांना कंटाळून राहुलने पत्नीचा काटा काढण्याचा निर्णय घेतला.