जळगाव : राज्याचे ग्रामविकास मंत्री गिरीश महाजन यांची एक कथित ऑडीओ क्लिप सध्या सोशल मीडियावर मोठ्या प्रमाणात व्हायरल होत आहे. जिल्हा परिषद भरतीबाबत युवकाशी अरेरावीच्या भाषेत बोलण्याची ना. गिरीश महाजन यांची ऑडिओ क्लीप व्हायरल झाल्याने विविध . यावरून आता ना. महाजन यांनी स्पष्टीकरण दिले आहे.
काय म्हणाले महाजन?
कथित ऑडीओ क्लिप व्हायरल झाल्यानंतर मंत्री.महाजन यांनी स्पष्टीकरण देताना सांगितले की, “मला शिक्षक भरती विषयासंदर्भात जाणीवपूर्वक टार्गेट केलं जात असून कालपासून जवळपास ४०० ते ५०० फोन कॉल्स या विषयासंदर्भात आले आहेत. मला जाणीवपूर्वक कॉल करुन त्रास दिला जात असल्याचं मंत्री गिरीश महाजन यांनी पत्रकारांशी बोलताना सांगितले आहे.
हा विषय माझा नसून हे सर्व काम शिक्षण विभाग बघत असतं ज्याचे मंत्री दीपक केसरकर आहेत. शिक्षक भरती संदर्भात कॅबिनेटमध्ये देखील चर्चा झाली असून लवकरच शिक्षक भरतीचा मार्ग मोकळा होऊन शिक्षक भरती केली जाईल, असं गिरीश महाजन यांनी यावेळी स्पष्ट केलं आहे.
