नाशिक : सोशल मीडियावर बरेच व्हिडीओ व्हायरल होत असतात. त्यातील काही व्हि़डीओ तुफान शेअर होत असतात. अशातच एक व्हिडीओ समोर आला आहे. या व्हिडीओमध्ये दोन महिलांमध्ये शाब्दिक बाचाबाची आणि त्यानंतर झालेली हाणामारी पाहायला मिळत आहे.
हा व्हिडीओ नाशिक मधील पिंपळगाव बसवंत टोल नाक्यावर झालेल्या वादाचा आहे. नेहमीच हा टोलनाका वादाच्या भोवऱ्यात असतो. सतत चर्चेत असणाऱ्या या टोल नाक्यावर मारामारीचा प्रकार घडला आहे. टोल भरण्याच्या वादातून, प्रवासी आणि टोल कर्मचारी महिला यांच्यात तुंबळ हाणामारी झाली आहे. या मारामारीचा व्हिडीओ सध्या सोशल मीडियावर व्हायरल झाला आहे.
नाशिकमधील पिंपळगाव बसवंत टोल नाक्यावर दोन महिलांमध्ये टोल भरण्यावरुन वाद झाला. त्यानंतर दोघींमध्ये जोरदार मारामारी झाली. #Nashik #Toll #ViralVideo #नाशिक pic.twitter.com/qJOOg4paRL
— News18Lokmat (@News18lokmat) September 15, 2022
वाद विकोपाला गेल्यानंतर दोन्ही महिलांमध्ये टोलनाक्यावर तुंबळ हाणामारीही झाली. काही वेळानंतर प्रकरण पोलीस ठाण्यात पोहचल्यानंतर टोल कर्मचारी यांनी सुरुवातीला गुन्हा दाखल करण्याची मागणी केली. पोलीस प्रशासनाने दोन्ही तक्रारदार यांच्या बाजू ऐकून घेतल्यानंतर वाद मिटवत सबुरीचा सल्ला दिला. माफीनामा लिहून देत वादावर पडदा टाकण्यात आला.
