सुरेशदादा जैन यांच्या निवास्थानी झाली बैठक
जळगाव ;- येथील बाजार समितीतील संरक्षक भिंत शनिवारी पाडण्यात अली होती . यासाठी अडत व्यापाऱ्यांनी बंद पुकारला होता . मात्र माजी मंत्री सुरेशदादा जैन यांच्याशी झालेल्या बैठकीनंतर मंगळवारी दुपारी संप मागे घेण्यात येऊन पूर्ववत दुकाने सुरु करण्यात आली होती .
मात्र आज माजी मंत्री सुरेशदादा जैन यांच्या ७ , शिवाजी नगर येथे बाजार समिती सभापती कैलास चौधरी यांच्यासह काही व्यापारी प्रतिनिधी आणि विकासकाचे प्रतिनिधी यांच्या बैठक घेण्यात आली . याबैठकीत विकासकांच्या प्रतिनिधींकडून ८ ते १० दिवसांच्या भिंत व इतर कामे करण्यास अवधी मागण्यात आला . मात्र ५ दिवसांत बांधकाम सुरु करावे अन्यथा पुन्हा संपाचे अस्त्र उगारु असा इशारा देण्यात आल्याची माहिती सूत्रांनी दिली . त्यामुळे पुन्हा व्यापारी,विकासक आणि बाजार समिती यांच्यात पुन्हा ठिणगी पडण्याची शक्यता निर्माण झाली आहे . मात्र पुढे काय होईल हे येणार काळच सांगेल .
