नवी दिल्ली – काँग्रेसच्या अध्यक्षा सोनिया गांधी यांच्या आई पाऊलो मायनो यांचे निधन झालं असल्याची माहिती काँग्रेसचे जयराम रमेश यांनी ट्विट करून दिली आहे. याबाबत गांधी परिवाराकडून सोनिया गांधींच्या आईच्या निधना बाबत अधिकृत वृत्त दिलेले नाही. मात्र काँगेस पक्षाचे मीडिया प्रमुख जयराम रमेश यांनी एका ट्वीटच्या माध्यमातून माहिती देत सांगितलं आहे की,त्या दीर्घ काळापासून आजारी होत्या. त्यांचे २७ ऑगस्ट रोजी निधन झाले आहे.
Smt. Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday.
— Jairam Ramesh (@Jairam_Ramesh) August 31, 2022
काँग्रेस नेते जयराम रमेश यांनी केलेल्या ट्वीट म्हटलं आहे की, सोनिया गांधी यांच्या आई पाऊलो मायनो यांचे २७ ऑगस्ट रोजी इटलीत त्यांच्या राहत्या घरी निधन झालं. त्यांच्या दफनविधीचा कार्यक्रम मंगळवारी पार पडला.या आधी काँग्रेसच्या वतीनं २४ ऑगस्ट रोजी माहिती देताना सांगण्यात आलं होतं की, सोनिया गांधी, राहुल गांधी आणि प्रियंका गांधी हे परदेशी दौऱ्यावर जाणार आहेत. या दरम्यान सोनिया गांधी त्यांच्या आजारी आईंची भेट घेणार असल्याचंही सांगण्यात आलं होतं.
