नवी दिल्ली : ज्येष्ठ नेते गुलाम नबी आझाद यांनी काँग्रेसला सोडचिठ्ठी दिली आहे. गुलाम नबी आझाद यांनी सर्व पक्षीय पदांचा राजीनामा दिला आहे. यासोबतच गुलाम नबी आझाद यांनीही काँग्रेसच्या प्राथमिक सदस्यत्वाचा राजीनामा दिला आहे. राजीनामा देताना गुलाम नबी आझाद यांनी काँग्रेसच्या हंगामी अध्यक्षा सोनिया गांधी यांना पत्रही लिहिले होते.
गुलाम नबी आझाद यांनी लिहिले की, अत्यंत खेदाने आणि अत्यंत भावूक अंत:करणाने मी भारतीय राष्ट्रीय काँग्रेस (INC) सोबतचे माझे अर्धशतक जुने संबंध तोडण्याचा निर्णय घेतला आहे. गुलाम नबी आझाद यांनी सोनिया गांधींना ५ पानी पत्र लिहिले आहे.
हे पण वाचा :
सर्वसामान्यांसाठी खुशखबर.. सणावाराच्या तोंडावर खाद्यतेलाच्या किंमती पुन्हा घसरणार
खळबळजनक ! ८५ वर्षांच्या आजोबांने केला दहा वर्षाच्या नातीवर अत्याचार
आमदार, मंत्र्यांच्या स्वीय सहाय्यकांच्या वेतनात वाढ ; आता ‘इतका’ मिळेल पगार
शुक्रवारची ‘ही’ युक्ती आहे खास, कर्ज आणि पैशाचे संकट चुटकीसरशी दूर होईल!
गुलाम नबी आझाद यांनी सोनिया गांधींना पत्र लिहिले होते
गुलाम नबी आझाद यांनी सोनिया गांधींना लिहिलेल्या पत्रात काँग्रेसने इच्छाशक्ती आणि क्षमता दोन्ही गमावले आहे. भारत जोडो यात्रा सुरू करण्यापूर्वी पक्षनेतृत्वाने देशभर काँग्रेस जोडो कवायत करावी. राहुल गांधींवर निशाणा साधत गुलाम नबी आझाद म्हणाले की, राहुल गांधी जेव्हापासून राजकारणात उतरले आणि जानेवारी 2013 मध्ये त्यांना पक्षाचे उपाध्यक्ष बनवले गेले तेव्हापासून त्यांनी आधीच स्थापन केलेली जुनी सल्लागार प्रणाली नष्ट केली. सर्व ज्येष्ठ आणि अनुभवी लोकांना बाजूला केले.
