मुंबई : राष्ट्रवादी काँग्रेसचे नेते अनिल देशमुख आणि नवाब मलिक यांच्या पाठोपाठ राष्ट्रवादी काँग्रेसचा आणखी एक खूप बडा नेता जेलमध्ये जाणार असल्याचं सूचक ट्विट भाजप नेत्याने केल्याने राज्याच्या राजकरणात मोठी खळबळ उडाली आहे.
हे ट्विट भाजप नेते मोहित कंबोज यांनी केलं असून त्यामुळे नेमका राष्ट्रवादीचा कोणता कोणता जेल मध्ये जाणार हे येणाऱ्या काळात कळेल. मोहित कंबोज यांनी केलेल्या आरोपांप्रकरणी ते लवकरच पत्रकार परिषद घेणार आहेत. त्याबद्दल त्यांनी स्वत: माहिती दिली आहे. संबंधित नेत्याचा आपण खुलासा करणार असल्याचं कंबोज म्हणाले आहेत
दरम्यान, मोहित कंबोज आणि किरीट सोमय्या यांच्या ट्विटचा आजपर्यंत इतिहास आहे. त्यांनी केलेल्या आरोपांनंतर राज्यात तशा हालचाली घडल्या आहेत. त्यांनी आरोप केल्यानंतर राजकीय नेत्यांवर ईडी आणि सीबीआयची कारवाई झाली आहे. त्यामुळे मोहित कंबोज यांच्या ट्विटने खळबळ उडाली आहे. विशष म्हणजे मोहित यांचं हे ट्विट अधिवेशनाच्या पार्श्वभूमीवर दबाव तंत्र म्हणून आहे की त्या आरोपांमध्ये खरंच तथ्य आहे? असा सवाल उपस्थित होतोय.
