नवी दिल्ली : जुलै महिना संपत आला आहे आणि १ ऑगस्ट येणार आहे. महिन्याच्या सुरुवातीला यावेळीही काही बदल होणार आहेत. गॅसच्या किंमतीव्यतिरिक्त, यात बँकिंग प्रणालीशी संबंधित काही अपडेट्स देखील समाविष्ट आहेत. नियमांमधील बदलांचा थेट परिणाम तुमच्यावर होईल. याशिवाय बँकांनाही दर महिन्याच्या तुलनेत या महिन्यात जास्त सुट्ट्या असतील. 1 ऑगस्टपासून होणार्‍या बदलांबद्दल जाणून घेऊया…
धनादेशाचे काय बदलले नियम
1 ऑगस्टपासून बँक ऑफ बडोद्याचे (BOB) धनादेशाचे नियम बदलले जातील. रिझर्व्ह बँक ऑफ इंडियाच्या मार्गदर्शक सूचनांचे पालन बँक करणार आहे. बँक ऑफ बडोद्याने त्याअनुषंगाने धनादेश व्यवहारांचा नियम बदलणार आहे. ऑगस्ट महिन्याच्या पहिल्या तारखेपासून पाच लाख रुपयांच्या वरील आर्थिक व्यवहारांसाठी बँकेने पॉझिटिव्ह पे सिस्टिम (Positive Pay System) लागू केली आहे. धनादेश देणाऱ्याला बँक आता धनादेश व्यवहाराची विषयीची अद्ययावत माहिती एसएमएस, नेटबँकिंग, मोबाईल अॅपद्वारे देईल. त्यामुळे धनादेश व्यवहाराच्या फसवणुकीचे प्रकार होणार नाही.
काय आहे पॉझिटिव्ह पे सिस्टिम
रिझर्व्ह बँक ऑफ इंडियाने बँकेतील फसवणूक टाळण्यासाठी पॉझिटिव्ह पे सिस्टिम लागू केली आहे. फसवणूक रोखण्यासाठी 2020 पासून धनादेशासाठी केंद्रीय बँकेने पॉझिटिव्ह पे सिस्टिम सुरु केली आहे. या सिस्टिममुळे 50,000 आणि त्यावरील अधिकच्या पेमेंटसाठी नुकसान टाळण्यास येणार आहे. सिस्टिमनुसार, SMS,बँकेचे मोबाईल अॅप वा एटीएमद्वारे धनादेश देणाऱ्या व्यक्तीला धनादेशाविषयीची माहिती बँकेला द्यावी लागणार आहे. धनादेशाविषयी ही माहिती तपासली जाते. सर्व माहिती योग्य वाटल्यावरच धनादेशाची पुढील प्रक्रिया पूर्ण करता येते.
घरगुती गॅसच्या किंमती
दर महिन्याच्या एक तारखेला घरगुती गॅसच्या किंमती ठरवण्यात येतात. ऑगस्ट महिन्याच्या एक तारखेपासून हे भाव कमी जास्त होऊ शकतात. सरकारी तेल उत्पादक कंपन्या गॅस सिलिंडरच्या किंमती ठरवतात. गेल्यावेळेप्रमाणेच यावेळी सुद्धा गॅसच्या किंमती भडकण्याची शक्यता आहे. या किंमतीत वाढ होण्याची शक्यता आहे.
हे पण वाचा :
रस्त्याने चालणाऱ्या मुलीसोबत घडला असा भीषण अपघात, पहा घटनेचा Video
लाच भोवली ; जळगाव तहसील कार्यालयातील शिपाई एसीबीच्या जाळ्यात
प्लास्टिकबंदी बाबत शिंदे सरकारने घेतला ‘हा’ महत्त्वाचा निर्णय
एकनाथ शिंदेंकडून उद्धव ठाकरेंना वाढदिवसाच्या शुभेच्छा, मात्र..
18 दिवस बँकेला ताळे
ऑगस्ट महिन्यात एकूण 18 दिवस बँकेला ताळे राहणार आहे. या दिवशी बँक बंद राहतील. रिझर्व्ह बँक ऑफ इंडियाने (RBI)ऑगस्ट महिन्यातील सुट्यांची यादी जाहीर केली आहे. ऑगस्ट महिन्यात मोहरम (Muharram), रक्षाबंधन (Raksha Bandhan), स्वातंत्र्य दिन (Independence Day), कृष्ण जन्माष्टमी (Janmashtami) आणि गणेश चतुर्थी असे महत्वाचे सण आहेत. यादिवशी बँकेचे कामकाज बंद असेल. याशिवाय दुसऱ्या आणि चौथ्या शनिवारी तसेच रविवारी साप्ताहिक सुट्टी असल्याने बँकांचे शटर डाऊन असेल. सगळ्या प्रकारच्या सुट्यांचा विचार करता, ऑगस्ट महिन्यांत बँकांना एकूण 18 दिवस सुट्टी असेल.
