जळगाव,(प्रतिनिधी)- एकनाथ शिंदेच्या गटात सामील झालेल्या शिवसेनेच्या बंडखोर आमदारांवर आता शिवसेनेकडून थेट हल्ला केला जात असल्याचं पाहायला मिळत आहे. गद्दारांना आता माफी नाही अशी भूमिकाचं शिवसेनेने घेतलेली दिसत आहे, शिवसेनेने शिवसैनिकांचे मेळावे घेत आता बंडखोर आमदारांविरुद्ध दंड थोपटले आहे.आज संजय राऊत यांनी थेट गुलाबराव पाटील यांच्यावर निशाणा साधला आहे.
आज शिवसेनेच्या (ShivSena) वतीने दहीसरमध्ये मेळाव्याचे आयोजन करण्यात आले होते. या मेळाव्यात बोलताना शिवसेना नेते संजय राऊत यांनी बंडखोर आमदारांवर घणाघाती टीका केली आहे. यावेळी बोलताना संजय राऊत यांनी जळगाव जिह्यातील गुलाबराव पाटील (Gulabrao Patil) निशाणा साधला आहे.
गुलाबराव पाटील यांच्या बद्दल काय म्हटले संजय राऊत…
गुलाबराव पाटील टपरीवर पान विकायचे, त्यांना शिवसेनेने मोठे केले. मंत्री केले. भाषण तर असे झोडतात की मीच एकटा शिवसेनेमध्ये वाघ आहे.मात्र आता वेळी आली तर ढुं ….ला पाय लावून पळून गेले. मात्र मी पण बाळासाहेबांचा शिवसैनिक आहे. पुन्हा त्यांना टपरीवर पान विकायला लावेपर्यंत शांत बसणार नाही असे राऊत यांनी म्हटले आहे.
